قوستانايدا جانتۇرشىگەرلىك جول اپاتىنان ەكى ادام قازا تاپتى، دەپ حابارلايدى “ادىرنا” ءتىلشىسى.
23 جەلتوقساندا "الماتى – قوستاناي – ەكاتەرينبۋرگ" تاس جولىندا ستانتسيوننىي اۋىلىنىڭ ماڭىندا SsangYong Musso كولىگىنىڭ 72 جاستاعى جۇرگىزۋشىسى رولگە يە بولا الماي، جول اپاتىنا سەبەپكەر بولدى. ول جول بويىندا توقتاپ تۇرعان تىركەمەسى بار "كاماز" كولىگىنە سوقتىعىسقان.
"كاماز-بەن سوقتىعىسقان SsangYong كەرى اينالىپ كەتكەندە ونى بار جىلدامدىعىمەن Lada Granta كەلىپ كيىپ كەتەدى. سالدارىنان SsangYong جۇرگىزۋشىسى مەن جولاۋشىسى وقيعا ورنىندا قازا تاپتى", - دەپ جازادى وبلىستىق پد ءباسپاسوز قىزمەتىنە سىلتەمە جاساپ.سونىمەن قاتار، Lada Granta-نىڭ جۇرگىزۋشىسى مەن ەكى جولاۋشىسى دا جاراقات الدى. قازىر فاكتىگە سايكەس، پوليتسيا قر قك 345-بابىنىڭ 4-بولىگى، "ابايسىزدا ەكى جانە ودان كوپ ادامنىڭ ولىمىنە اكەلىپ سوقتىرعان جقە بۇزۋ" بويىنشا سوتقا دەيىنگى تەرگەپ-تەكسەرۋدى باستادى.
ۇقساس جاڭالىقتار
