زامان تالابىنا ساي رەفورمالاردى جۇزەگە اسىرا وتىرىپ، قارۋلى كۇشتەرىمىزدىڭ بارلىق سالالارىندا كىشى بۋىن كوماندير سانالاتىن كەلىسىم-شارت قىزمەتىندەگى سەرجانتتار ساناتىنىڭ مارتەبەسى ارتۋدا.
بىلىكتى سەرجانتتاردىڭ ىشىندە وتان قورعاۋ ساپىندا جۇرگەن قىز-كەلىنشەكتەر قانشاما. سانالى عۇمىرىن ءتارتىبى قاتان اسكەري قىزمەتكە ارناعان سونداي تاجىريبەلى مامانداردىڭ ءبىرى - قۇرلىق اسكەرلەرى اسكەري ينستيتۋتىنىڭ ماتەريالدىق تەحنيكالىق قامتاماسىز ەتۋ باسقارماسىنىڭ تەحنيكامەن قامتاماسىز ەتۋ ءبولىمىنىڭ اعا مامانى-جاۋاپتى ورىنداۋشى كىشى سەرجانت شولپان انيسوۆا.
كىشى سەرجانت انيسوۆا ۇجىمىنا سىيلى، ىسىنە ادال ادام. ارقاشان ءوز ءبىلىمىن تاجىربيە جۇزىندە شىڭداپ، بىلىكتىلىگىن كوتەرۋگە كوپتەگەن جۇمىس جاسايدى.
ارىپتەستەرى شولپاندى ءوز ىسىنە وتە ۇقىپتى، جاۋاپتى قارايتىن سەنىمدى سەرىك، كۇندىز-ءتۇنى ايانباي قىزمەت ەتىپ، ءبولىمىنىڭ قاجەتتى قۇجاتتارىن دەر كەزىندە دايارلاپ، ءوزىنىڭ ەڭبەكقورلىعىمەن ەرەكشەلەنىپ جۇرگەن تۇلعا دەيدى.
كىشى سەرجانت انيسوۆا قۇرلىق اسكەرلەرىنىڭ اسكەري ينستيتۋتىنىڭ قوعامدىق ومىرىنە دە، مادەني-دەمالىس شارالارىنا دا بەلسەنە قاتىسۋدان جالىقپايدى. ينستيتۋتتا وتكىزىلەتىن كونتسەرت، سپورتتىق جارىستار، ينتەلەكتۋالدىق ويىندار، ۆوكالدىق كونكۋرستاردىڭ بارىنە قاتىسىپ، جۇلدەلى ورىندارعا يە بولىپ جۇرەدى. جاقىندا ينستيتۋتتىڭ مادەني دەمالىس ورتالىعىنىڭ ۇيىمداستىرۋىمەن اسكەري قىزمەتشىلەردىڭ اراسىندا وتكىزگەن «ەكى جۇلدىز» بايقاۋىندا شولپان انيسوۆا رەسەي ەستراداسىنىڭ تانىمال «ليۋبە» روك توبىنىڭ «كومبات» ءانىن شەبەر ورىنداپ، تاماشا ۆوكالدىق قابىلەتىنىڭ ارقاسىندا جەڭىمپاز اتالدى.
سونىمەن قاتار كىشى سەرجانت انيسوۆا ينستيتۋتتىڭ تۇرعىن ءۇي كوميسسياسىنىڭ حاتشىسىنىڭ مىندەتىن نەشە جىلدان بەرى مۇلتىكسىز اتقارىپ كەلەدى. شولپان سەرجانتتار مەن وفيتسەرلەرگە باسپانامەن قامتاماسىز ەتۋ ماسەلەلەرى بويىنشا تۇسىندىرمە جۇمىستارىن ساپالى جۇرگىزە بىلەدى. وزىنە جۇكتەلگەن جۇمىستاردى اتقارۋدا كاسىبيلىك پەن تياناقتىق تاناتىپ، ارىپتەستەرىنە ۇلگى بولاتىن اسكەري قىزمەتشى.
-كۇندەلىكتى اتقارىپ جۇرگەن قىزمەتىمىزدىڭ وتە جاۋاپتى دا ماڭىزدى ەكەندىگىن جاقسى بىلەمىن. سوندىقتان دا ءتول مىندەتىمىزدى ءمىنسىز اتقارۋعا بار كۇش-جىگەرىمىزدى اياماي جۇمساۋدامىن، دەيدى كىشى سەرجانت شولپان انيسوۆا.
ەگەمەن ەلىمىزدىڭ تاۋەلسىزدىگىنىڭ باياندى بولۋىنا، قاۋىپسىزدىگىنىڭ نىعايا تۇسۋىنە ەل قاتارلى ءوز ۇلەسىن قوسقان ارۋىمىزدىڭ قازىردە ۇلى ايبات اسكەري مەكتەپ-ينتەرناتىنا وقىپ ءبىلىم الۋدا، ال قىزى ازيزا قۇرلىق اسكەرلەرى اسكەري ينستيتۋتىندا قۇرىلعا اسكەري-پاتريوتتىق «جاس ۇرپاق» كلۋبىنىڭ تاربيەلەنۋشىسى. ايبات پەن ازيزادا الماتى قالاسىندا وتكەن بار اسكەري-پاتريوتتىق ويىندارىنا بەلسەندى قاتىسىپ جۇرەدى. مىسالعا، بىلتىر ازيزا الماتى قالاسىنىڭ اسكەري-پاتريوتتىق كلۋبتارىنىڭ اراسىندا وتكىزىلگەن «اسكەر رەيز» اتتى سپورتتىق ويىندا 1 ورىن الىپ اناسىن قۋانتقان. سونىمەن قاتار ازيزا ينستيتۋتتىڭ مادەني دەمالىس ورتالىعىندا اسكەري قىزمەتشىلەردىڭ قابىلەتتى بالالارى قاتىساتىن «بولاشاق» توبىنىڭ ءانشىسى.
وسىنداي پەرزەنتتەرىنە ءتالىمدى تاربيە بەرىپ، بالالارىن انالىق مەيىرىممەن دەمەپ، شاڭىراقتىڭ شىرايىن كەلتىرىپ وتىرعان شولپان انيسوۆاعا العىسىمىز شەكسىز.
ايدا بەكتۋروۆا
قۇرلىق اسكەرلەرى اسكەري ينستيتۋتى
ءباسپاسوز قىزمەتى، سۋرەت اۆتوردىكى
