Tól mindetin minsiz atqaratyn arý

491

Zaman talabyna saı reformalardy júzege asyra otyryp, Qarýly Kúshterimizdiń barlyq salalarynda kishi býyn komandır sanalatyn kelisim-shart qyzmetindegi serjanttar sanatynyń mártebesi artýda.
Bilikti serjanttardyń ishinde Otan qorǵaý sapynda júrgen qyz-kelinshekter qanshama. Sanaly ǵumyryn tártibi qatan áskerı qyzmetke arnaǵan sondaı tájirıbeli mamandardyń biri - Qurlyq áskerleri Áskerı ınstıtýtynyń materıaldyq tehnıkalyq qamtamasyz etý basqarmasynyń tehnıkamen qamtamasyz etý bóliminiń aǵa mamany-jaýapty oryndaýshy kishi serjant Sholpan Anısova.
Kishi serjant Anısova ujymyna syıly, isine adal adam. Árqashan óz bilimin tájirbıe júzinde shyńdap, biliktiligin kóterýge kóptegen jumys jasaıdy.


Áriptesteri Sholpandy óz isine óte uqypty, jaýapty qaraıtyn senimdi serik, kúndiz-túni aıanbaı qyzmet etip, bóliminiń qajetti qujattaryn der kezinde daıarlap, óziniń eńbekqorlyǵymen erekshelenip júrgen tulǵa deıdi.
Kishi serjant Anısova Qurlyq áskerleriniń Áskerı ınstıtýtynyń qoǵamdyq ómirine de, mádenı-demalys sharalaryna da belsene qatysýdan jalyqpaıdy. Instıtýtta ótkiziletin konert, sporttyq jarystar, ıntelektýaldyq oıyndar, vokaldyq konkýrstardyń bárine qatysyp, júldeli oryndarǵa ıe bolyp júredi. Jaqynda ınstıtýttyń mádenı demalys ortalyǵynyń uıymdastyrýymen áskerı qyzmetshilerdiń arasynda ótkizgen «Eki juldyz» baıqaýynda Sholpan Anısova Reseı estradasynyń tanymal «Lıýbe» rok tobynyń «Kombat» ánin sheber oryndap, tamasha vokaldyq qabiletiniń arqasynda jeńimpaz ataldy.
Sonymen qatar kishi serjant Anısova ınstıtýttyń turǵyn úı komıssııasynyń hatshysynyń mindetin neshe jyldan beri múltiksiz atqaryp keledi. Sholpan serjanttar men ofıerlerge baspanamen qamtamasyz etý máseleleri boıynsha túsindirme jumystaryn sapaly júrgize biledi. Ózine júktelgen jumystardy atqarýda kásibılik pen tııanaqtyq tanatyp, áriptesterine úlgi bolatyn áskerı qyzmetshi.
-Kúndelikti atqaryp júrgen qyzmetimizdiń óte jaýapty da mańyzdy ekendigin jaqsy bilemin. Sondyqtan da tól mindetimizdi minsiz atqarýǵa bar kúsh-jigerimizdi aıamaı jumsaýdamyn, deıdi kishi serjant Sholpan Anısova.


Egemen elimizdiń táýelsizdiginiń baıandy bolýyna, qaýipsizdiginiń nyǵaıa túsýine el qatarly óz úlesin qosqan arýymyzdyń qazirde uly Aıbat áskerı mektep-ınternatyna oqyp bilim alýda, al qyzy Azıza Qurlyq áskerleri Áskerı ınstıtýtynda qurylǵa áskerı-patrıottyq «Jas urpaq» klýbynyń tárbıelenýshisi. Aıbat pen Azızada Almaty qalasynda ótken bar áskerı-patrıottyq oıyndaryna belsendi qatysyp júredi. Mysalǵa, byltyr Azıza Almaty qalasynyń áskerı-patrıottyq klýbtarynyń arasynda ótkizilgen «Ásker reız» atty sporttyq oıynda 1 oryn alyp anasyn qýantqan. Sonymen qatar Azıza ınstıtýttyń mádenı demalys ortalyǵynda áskerı qyzmetshilerdiń qabiletti balalary qatysatyn «Bolashaq» tobynyń ánshisi.
Osyndaı perzentterine tálimdi tárbıe berip, balalaryn analyq meıirimmen demep, shańyraqtyń shyraıyn keltirip otyrǵan Sholpan Anısovaǵa alǵysymyz sheksiz.

Aıda Bektýrova
Qurlyq áskerleri Áskerı ınstıtýty
baspasóz qyzmeti, sýret avtordiki

Pikirler