اقتوبە وبلىسىنىڭ ۆەتەريناريا باسقارماسى مەملەكەتتىك مەكەمەسى بيىل قاڭعىباس يتتەر مەن يەسىز مىسىقتار ءۇشىن وبلىستىق بيۋدجەتتەن 224,8 ميلليون تەڭگە بولگەن، - دەپ حابارلايدى ادىرنا ءتىلشىسى اتالعان مەكەمەنىڭ رەسمي حاتىنا سىلتەمە جاساپ.
بۇعان دەيىن ادىرنا ۇلتتىق پورتالىندا "قارعالى اۋدانى قاڭعىباس يت پەن مىسىقتاردى "پىشتىرۋگە" 6 165 550.00 تەڭگە قارجى جۇمسايدى" دەگەن ماقالا جاريالاعان بولاتىن.
سول ماقالاعا قاتىستى اقتوبە وبلىستىق ۆەتەريناريا باسقارماسىنا حات جولدانىپ، قارعالى اۋدانىنىڭ قاڭعىباس يت پەن مىسىعىنا 6 ميلليوننان اسا قارجى جۇمسالعانىن مىسال ەتە وتىرىپ، قالعان اۋداندارداعى احۋالدى سۇراعانبىز.
ۆەتەريناريا باسقارماسىنان كەلگەن جاۋاپتا:
ء"سىزدىڭ 2023 جىلعى 18 قىركۇيەكتەگى № زت2023-01818819
وتىنىشىڭىزگە بايلانىستى كەلەسىنى حابارلايدى.
2023 جىلعا وبلىس بويىنشا
قاڭعىباس جانۋارلاردى اۋلاۋ، ۋاقىتشا ۇستاۋ، بىردەيلەندىرۋ، ستەريلدەۋ جۇمىستارىنا 224,8 ملن
تەڭگە قارجى ءبولىندى.
(ونىڭ ىشىندە اۋلاۋ جۇمىسىنا 52,9 ملن، كۇتىپ باعۋعا 135,4 ملن،
بىردەيلەندىرۋگە 11,9 ملن، ستەريليزاتسيالاۋ جۇمىستارىنا 24,7 ملن تەڭگە.)" دەلىنگەن.
ءبىر وبلىستىڭ قاڭعىباس ءيتى مەن يەسىز مىسىعىنا حالىقتىڭ قالتاسىنان 224,8 ميلليون تەڭگە اقشا جۇمسالادى.
بۇل كوپ پە، از با، ءوزىڭىز باعامداي بەرىڭىز!
قانات بىرلىكۇلى
ادىرنا ۇلتتىق پورتالى
ۇقساس جاڭالىقتار
