قازاقستاننىڭ دارىندى وقۋشىلارى 24 كۇن بويى قىرىمدا بولادى. ولار حالىقارالىق "جاندى كلاسسيكا" شىعارماشىلىق بايقاۋىنىڭ رەسپۋبليكالىق كەزەڭىندە جەڭىمپاز اتانىپ، "ارتەك" بالالار لاگەرىنە بارادى. حالىقارالىق بالالار لاگەرى قىرىمنىڭ وڭتۇستىك جاعالاۋىندا ورنالاسقان، دەپ حابارلايدى "ادىرنا" ۇلتتىق پورتالى.
قازاقستاننان ىرىكتەلگەن دارىندى بالالار قىرىمداعى دەمالىس لاگەرىندە 24 كۇن دەمالماق. رۋسسكي دوم-نىڭ جازۋىنشا، دەمالۋشىلار قاتارىندا استانا، تاراز، شىمكەنت قالاسىنىڭ وقۋشىلارى بار.
"ولاردىڭ قاتارىندا جامبىل وبلىسىنىڭ تۋماسى، 12 جاستاعى فەدور ششەرباكوۆ بار. ونىڭ ۇلكەن اتاسى، اناتولي ماركوۆيچ تسيگەلمان، وتكەن عاسىردىڭ وتىزىنشى جىلدارى "ارتەكتىڭ" باسشىسى بولعان. 1942 جىلى نوۆوروسسيسكىدە ۇرىسقا قاتىسىپ، قازا تاپقان", - دەپ اعىنان جارىلادى رۋسسكي دوم وكىلدەرى.
"ارتەك" بالالار لاگەرى
ورايى كەلگەندە ايتا كەتەيىك، قىرىم توپىراعىندا قاقتىعىستار ءالى جالعاسىپ جاتىر. فوكۋستىڭ حابارلاۋىنشا، ءبىر كۇن بۇرىن بەلبەك اۋەجايىنىڭ جانى مەن سەۆاستوپولدە دە ۇلكەن جارىلىس بولدى.
"ادىرنا" ۇلتتىق پورتالى
