سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بەكايداروۆ بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ۇكىمىن جەڭىلدەتۋ ءۇشىن 100 ميلليون تەڭگە پارا سۇراعان استانالىق ايەلدىڭ ءىسىن تەرگەۋ اياقتالعانىن ايتتى، دەپ حابارلايدى “ادىرنا” ۇلتتىق پورتالى.
بەكايداروۆتىڭ ايتۋىنشا، ايەل اسا ءىرى كولەمدە الاياقتىق جاساۋعا ارەكەتتەنگەن.
"ول قۋاندىق بيشىمباەۆتىڭ جازاسىن جەڭىلدەتەمىن دەگەن سىلتاۋمەن الداۋ ارقىلى 100 ميلليون تەڭگەنى يەمدەنبەك بولدى دەگەن كۇدىككە ءىلىندى. سونىمەن قاتار كۇدىكتىلەردىڭ ءىس-ارەكەتى اسا ءىرى مولشەردە پارا بەرۋگە يتەرمەلەدى دەپ باعالانىپ وتىر. ونىڭ قىلمىستىق ارەكەتىنىڭ باسقا ەپيزودتارى تەكسەرىلىپ جاتىر. وعان قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. قازىرگى ۋاقىتتا تەرگەۋ اياقتالدى، تاراپتار ىسپەن تانىسىپ جاتىر", – دەدى دانيار بەكايداروۆ.
ايتا كەتەيىك، بيىل 21 ماۋسىمدا انتيكور ەكس-مينيستر قۋاندىق بيشىمباەۆتىڭ ۇكىمىن جەڭىلدەتۋگە ۋادە بەرگەن كۇدىكتى ۇستالعانىن حابارلاعان ەدى.
ەسكە سالايىق، سوتتىڭ ۇكىمىمەن قۋاندىق بيشىمباەۆ 24 جىلعا سوتتالعان. وعان ايەلى سالتانات نۇكەنوۆانى ءولتىردى دەگەن ايىپ تاعىلعان.
