استانادا قايرات ساتىبالدىۇلىنىڭ ءىسى بويىنشا ونلاين سوت ءوتىپ جاتىر. بۇل تۋرالى "ادىرنا" ۇلتتىق پورتالى حابارلايدى.
قايرات ساتىبالدىنىڭ ءىسىن استاناداعى №2 بايقوڭىر اۋداندىق سوتى قاراۋدا. سوت ونى "الداۋ نەمەسە سەنىمگە قيانات جاساۋ جولىمەن مۇلىكتىك زالال كەلتىرۋ"," كىنالىگە سەنىپ تاپسىرىلعان بوتەن مۇلىكتى يەمدەنۋ نەمەسە تالان-تاراجعا سالۋ" باپتارى بويىنشا كۇدىكتى دەپ تانىدى.
ق. ساتىبالدىۇلى ءىرى كولەمدەگى قاراجات جىمقىرعانى ءۇشىن ايىپتالىپ، 13 ناۋرىزدا ۇستالعان بولاتىن. ناتيجەسىندە سىبايلاس جەمقورلىققا قارسى ءىس-قيمىل اگەنتتىگى تەرگەۋ جۇرگىزىپ، مەملەكەتكە 240 ميلليارد تەڭگە قايتارىلعان.
سوت باستالار الدىندا زۋم-ۆيدەودا قايرات ساتىبالدىنىڭ باۋىرى سامات ءابىش تە بايقالدى. قايرات ساتىبالدىنىڭ قورعاۋشىسى ونىڭ 12 ميلليارد تەڭگە كولەمىندە زالال كەلتىرگەنىن، ءوز قاتەسىن تولىق مويىندايتىنىن جەتكىزگەن. سوتتالۋشى جەڭىلدەتىلگەن جازادان دا ءۇمىتتى ەكەندىگىن جاسىرمادى.