جامبىل وبلىسىندا پروكۋراتۋرا قىزمەتكەرى ۇستالدى، دەپ حابارلايدى "ادىرنا" ۇلتتىق پورتالى.
ءوز قاتارلارىنداعى سىبايلاس جەمقورلىقتىڭ جولىن كەسۋ جۇمىسى اياسىندا باس پروكۋراتۋرانىڭ ىشكى تەرگەۋ دەپارتامەنتىنىڭ قىزمەتكەرلەرى ۇلتتىق قاۋىپسىزدىك كوميتەتىنىڭ جامبىل وبلىسى، بايزاق اۋدانى بويىنشا دەپارتامەنتىمەن بىرلەسىپ، اعىمداعى جىلدىڭ 16 ساۋىرىندە پروكۋراتۋرا قىزمەتكەرىن ۇستادى. ول قوماقتى پارا الدى دەپ كۇدىكتەلۋدە.
قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى دەپارتامەنت ءىس بويىنشا قاجەتتى تەرگەۋ ارەكەتتەرى جۇرگىزىلىپ جاتقانىن ناقتىلادى. تەرگەۋ مۇددەسى ءۇشىن باسقا اقپارات جاريا ەتىلمەگەنى اتاپ ءوتىلدى.
"ادىرنا" ۇلتتىق پورتالى
