Sybaılas jemqorlyqqa qarsy is-qımyl agenttiginiń resmı ókili Danııar Bekaıdarov burynǵy Ulttyq ekonomıka mınıstri Qýandyq Bıshimbaevtyń úkimin jeńildetý úshin 100 mıllıon teńge para suraǵan astanalyq áıeldiń isin tergeý aıaqtalǵanyn aıtty, dep habarlaıdy “Adyrna” ulttyq portaly.
Bekaıdarovtyń aıtýynsha, áıel asa iri kólemde alaıaqtyq jasaýǵa árekettengen.
"Ol Qýandyq Bıshimbaevtyń jazasyn jeńildetemin degen syltaýmen aldaý arqyly 100 mıllıon teńgeni ıemdenbek boldy degen kúdikke ilindi. Sonymen qatar kúdiktilerdiń is-áreketi asa iri mólsherde para berýge ıtermeledi dep baǵalanyp otyr. Onyń qylmystyq áreketiniń basqa epızodtary tekserilip jatyr. Oǵan qamaýda ustaý túrindegi bultartpaý sharasy tańdaldy. Qazirgi ýaqytta tergeý aıaqtaldy, taraptar ispen tanysyp jatyr", – dedi Danııar Bekaıdarov.
Aıta keteıik, bıyl 21 maýsymda Antıkor eks-mınıstr Qýandyq Bıshimbaevtyń úkimin jeńildetýge ýáde bergen kúdikti ustalǵanyn habarlaǵan edi.
Eske salaıyq, sottyń úkimimen Qýandyq Bıshimbaev 24 jylǵa sottalǵan. Oǵan áıeli Saltanat Núkenovany óltirdi degen aıyp taǵylǵan.
