تەننيسشى ەلەنا رىباكينا قازاقستاندىق جانكۇيەرلەرگە ۆيدەو ۇندەۋ جولدادى، - دەپ حابارلايدى “ادىرنا” ۇلتتىق پورتالى.
جازعى ويىندار بىرىنشىلىگى باستالار الدىندا وليمپيادانىڭ رەسمي سايتىندا 25 جاستاعى قازاقستاندىق تەننيسشىنىڭ جەكە جانە ارالاس جۇپتىق جارىستاردان شەتتەتىلگەنى تۋرالى اقپارات پايدا بولعان ەدى.
«قۇرمەتتى قازاقستاندىق جانكۇيەرلەر!
مەن كوماندامەن بىرگە دايىندالدىم، وكىنىشكە قاراي، جارىس باستالار الدىندا اۋىرىپ قالدىم. مەنىڭ قىزۋىم كوتەرىلىپ، تىنىس الۋىم قيىنداپ كەتكەن سوڭ، دارىگەرلەر كورتقا شىعۋىما تىيىم سالدى. ورىندالماعان ءۇمىت پەن سونگەن سەنىم ءۇشىن بارشا قازاقستاندىق جانكۇيەرلەردەن كەشىرىم سۇرايمىن. مەن وتە قاتتى قىنجىلدىم، ويتكەنى مەن ءوز كومانداممەن بىرگە ۇزاق دايىندالعان ەدىم جانە مەدال اكەلىپ، جەڭىسكە جەتكىم كەلدى. وتكەن جولى توكيودا مەن جەڭىسكە جاقىن بولدىم جانە بۇل، ارينە مەنىڭ ۇلكەن ماقساتىم بولدى. جاقىندا كورتقا شىعا الامىن دەپ ۇمىتتەنەمىن. مەن بارلىق وتانداستارىما العىس ايتقىم كەلەدى، ويتكەنى مەن الەمنىڭ ءار تۇكپىرىندە ويناعان سايىن مەن ارقاشان ۇلكەن قولداۋعا يە بولامىن جانە ستاديونداردا ەل تۋىن كورگەن سايىن قۋانامىن. سىزدەرگە كوپ راقمەت، مەن جاقىن ارادا كورتقا ورالامىن دەپ ۇمىتتەنەمىن»، - دەدى قازاقستاننىڭ ءبىرىنشى راكەتكاسى.
قوسا كەتەيىك، پاريجدە ءوتىپ جاتقان وليمپيادا ويىندارىندا قازاقستاننان تەننيس تۋرنيرىنە تەك شەتەلدىك ويىنشىلار قاتىسقانىن ايتا كەتەيىك. ەلەنا جارىس باستالار الدىندا قاتىسپايتىنىن مالىمدەگەن ەدى. قوعام رىباكينانىڭ بۇل ءىسىن سىنعا الىپ، جەلىنى ءبىراز شۋلاتقان ەدى.
