الەمنىڭ 4-راكەتكاسى قازاقستاندىق تەننيسشى ەلەنا رىباكينا العاش رەت مادريد (يسپانيا) WTA 1000 ءتۋرنيرىنىڭ جارتىلاي فينالىنا شىقتى، دەپ حابارلايدى “ادىرنا” ۇلتتىق پورتالى kaz.inform سايتىنا سىلتەپ.
رىباكينا شيرەك فينالدا وتانداسى، الەمنىڭ 50-راكەتكاسى يۋليا پۋتينتسەۆامەن جولىقتى.
وسىعان دەيىن ءوزارا ەكى كەزدەسۋدە يۋ.پۋتينتسەۆا باسىم تۇسكەن ەدى.
بۇل جولى ءبىرىنشى پارتيادا ەسەپ 2:2 بولعان ساتتە يۋليا برەيك جاساپ، سول قارقىنىنان تانعان جوق – 6:4.
ەكىنشى سەتتە ەسەپ 1:1 بولعاندا، پۋتينتسەۆا تاعى دا برەيككە قول جەتكىزدى. بىراق رىباكينا سول بويدا تارازى باسىن تەڭەستىردى – 2:2. سوسىن تاي-برەيكتە ەسەسىن جىبەرمەدى – 7:6 (7:4).
ءۇشىنشى، شەشۋشى پارتيادا يۋليا 5:2 ەسەبىمەن العا كەتتى. سودان كەيىن ەلەنا دوپ بەرگەندە، ەكى ماتچبولىن پايدالانا المادى. ەسەسىنە رىباكينا قاتارىنان بەس گەيمدى ءوز ەسەبىنە جازدى – 7:5.
ەكى ساعات 48 مينۋتقا سوزىلعان تارتىستى ماتچتا رىباكينا 6 ەيس جاساپ، 12 برەيك-پوينتتىڭ ۇشەۋىن پايدالاندى. پۋتينتسەۆا ەيس جاساي العان جوق. ول دا 3 برەيكپەن (10 برەيك-پوينت) كوزگە ءتۇستى.
ەلەنا رىباكينا فينالعا شىعۋ ءۇشىن الەمنىڭ 2-راكەتكاسى، وسى جارىستىڭ وتكەن جىلعى چەمپيونى، بەلارۋس وكىلى ارينا سوبولەنكو نەمەسە رەسەيدىڭ جاس جۇلدىزى، رەيتينگىدە 43-ورىنداعى، 17 جاستاعى ميررا اندرەەۆانىڭ قاي جەڭگەنىمەن تالاسادى.ۇقساس جاڭالىقتار
