"راقمەت، لەنا!": فينالدا رىباكينا ارينا سوبولەنكودان ۇتىلىپ قالدى

2168
Adyrna.kz Telegram

AusOpen-2023 فينالىنىندا ەلەنا رىباكينا ارينا سوبولەنكودان ۇتىلىپ قالدى. اشىق چەمپيوناتىنىڭ فينالىندا، وكىنىشكە قاراي، قارسىلاسىنا جول بەرىپ قويدى، دەپ حابارلايدى "ادىرنا" ۇلتتىق پورتالى.

ءبىرىنشى سەت ەلەنانىڭ ەنشىسىنە شەشىلدى - 6:4. رىباكينا بەس ەيس ورىنداپ، ءۇش برەيكپوينتتىڭ ەكەۋىن جۇزەگە اسىردى. سونىمەن قاتار سوبولەنكو دا بەس ەيس ورىنداپ، بىراق ەكى قاتەلىككە جول بەردى، دەپ حابارلايدى Sports.kz.

ەكىنشى پارتيادا سوبولەنكو مىقتىراق بولىپ شىقتى. ەسەپ - 6:3. بەلارۋس ويىنشىسى جەتى ەيس ورىندادى، جەتى برەيكپوينتتىڭ بىرەۋىن ءساتتى جۇزەگە اسىردى، ال ءوز كەزەگىندە رىباكينا ەيستەن ءۇش ۇپاي عانا تىركەدى، برەيكپوينتتىڭ ۇشەۋىن دە ءساتسىز يگەردى.

سپورت ءجۋرناليسى رۋسلان مەدەلبەك ە. رىباكينانىڭ ويىنىنا قاتىستى پىكىر ءبىلدىردى.

- عاجاپ ەكى اپتا ءۇشىن، عاجاپ تۋرنير ءۇشىن، عاجاپ ويىن ءۇشىن، كەرەمەت ەموتسيا ءۇشىن، تەننيسكە دەگەن ماحابباتىڭ ءۇشىن، قازاقستانعا دەگەن العىسىڭ ءۇشىن راقمەت! جاراقاتتان امان بول، باستىسى سول. مۇنداي عاجاپ ەموتسيانى ءالى كوپ سىيلارىڭا سەنەم. راقمەت، لەنا! - دەپ جازدى جۋرناليست.
"ادىرنا" ۇلتتىق پورتالى 
پىكىرلەر