Tennısshi Elena Rybakına qazaqstandyq jankúıerlerge vıdeo úndeý joldady, - dep habarlaıdy “Adyrna” ulttyq portaly.
Jazǵy oıyndar birinshiligi bastalar aldynda Olımpıadanyń resmı saıtynda 25 jastaǵy qazaqstandyq tennısshiniń jeke jáne aralas juptyq jarystardan shettetilgeni týraly aqparat paıda bolǵan edi.
«Qurmetti qazaqstandyq jankúıerler!
Men komandamen birge daıyndaldym, ókinishke qaraı, jarys bastalar aldynda aýyryp qaldym. Meniń qyzýym kóterilip, tynys alýym qıyndap ketken soń, dárigerler kortqa shyǵýyma tyıym saldy. Oryndalmaǵan úmit pen sóngen senim úshin barsha qazaqstandyq jankúıerlerden keshirim suraımyn. Men óte qatty qynjyldym, óıtkeni men óz komandammen birge uzaq daıyndalǵan edim jáne medal ákelip, jeńiske jetkim keldi. Ótken joly Tokıoda men jeńiske jaqyn boldym jáne bul, árıne meniń úlken maqsatym boldy. Jaqynda kortqa shyǵa alamyn dep úmittenemin. Men barlyq otandastaryma alǵys aıtqym keledi, óıtkeni men álemniń ár túkpirinde oınaǵan saıyn men árqashan úlken qoldaýǵa ıe bolamyn jáne stadıondarda el týyn kórgen saıyn qýanamyn. Sizderge kóp raqmet, men jaqyn arada kortqa oralamyn dep úmittenemin», - dedi Qazaqstannyń birinshi raketkasy.
Qosa keteıik, Parıjde ótip jatqan Olımpıada oıyndarynda Qazaqstannan tennıs týrnırine tek sheteldik oıynshylar qatysqanyn aıta keteıik. Elena jarys bastalar aldynda qatyspaıtynyn málimdegen edi. Qoǵam Rybakınanyń bul isin synǵa alyp, jelini biraz shýlatqan edi.
