قۇرمەتتى قازاق ەلى! اپتالداي ەكى ازاماتتىڭ اراسىنداعى اڭگىمەنىڭ نۇكتەسى قويىلاتىن كەز باياعىدا كەلگەن ەدى. دەسە دە مۇنىڭ وسىنداي قوعامدىق دەڭگەيدە تالقىلانۋى ۇلتتىق قاۋىپسىزدىگىمىزگە زيانى تيە مە دەپ ويلايمىن! سەرىكجان دا، مۇحتار شاحانوۆ تا باتىر ازاماتتار، ەكەۋى دە ۇلتتىڭ مۇددەسى ءۇشىن كۇرەسكەن تۇلعالار، ادىلدىك ءۇشىن جان اياماس اسىل تۇلعالار! سەرىكجان قىتايداعى قانداستاردىڭ مۇددەسى ءۇشىن شىندىقتى الەمگە جايىپ قازاق مۇددەسىن قورعاسا، مۇحتار اعا سوناۋ 1986 جىلعى جەلتوقسان قوزعالىسىنىڭ شىندىعى ءۇشىن كۇرەسىپ بۇگىنگە دەيىن ۇلتتىڭ مۇددەسىن قورعاۋمەن كەلەدى. اينالىپ كەلگەندە ەكەۋىنىڭ دە مۇددەسى ول قازاق مۇددەسى، تاۋەلسىزدىكتى ساقتاۋ... شاحانوۆ سەرىكجان تۋرالى بىلاي ايتتى دەگەن بەينە، اۋديوجازبا بولسا كورسەتسىنشى ماعان؟! مەنىڭ ءوزىمنىڭ جەكە پىكىرىم: سەرىكجاندى كىنالاپ، تۇنشىقتىرىپ، قوعامعا تەرىس قىلىپ كورسەتۋ ءۇشىن جاسالعان جالعان جالا، دالەلسىز ايىپ دەپ بىلەمىن. سەرىكجانعا قارسى پىكىرلەر مەن پوستتار دا بار. مەنىڭشە6 سەرىكجاندى قارالاپ، ول تۋرالى جالعان اقپارات تاراتىپ، جازىقسىز كىنالاۋ تاريحي قاتەلىك. وسىندايعا بارعان ارانداتۋشى توپتار بار ەكەنى راس. ەكىنشىدەن، سەرىكجاننىڭ وقيعاسى ارقىلى حالىقتىڭ اراسىنا وت سالىپ، قوعامدى ەكىگە جارىپ، ءبىر-بىرىنە جاۋ قىلۋ ارەكەتى ما دەپ تە ويلايمىن. قوعام ءبىر تۇتاس بەرەكەدە بولۋى كىمگە قاۋىپتى؟ سول جاعىن دا ويلاعان دۇرىس.
تەكتىدىكتى جوعالتپاي، ءار وسەك اياڭ مەن جالعان جالاعا ەرمەگەن دۇرىس. قوعام ءبىرتۇتاس بولسا عانا مەملەكەت مىقتى بولادى. بولىنبەيىك! كەشەگى كونە تۇركى بابالارىمىز كۇلتەگىن، بۇمىن قاعاندار: "سەنىڭ كۇشىڭ بىرلىكتەر عانا" دەگەن جوق پا؟ بابالاردان اسىپ تۋا الماسپىز. ولاردىڭ مۇددەسى سىرتقى جاۋعا توتەپ بەرۋ ءۇشىن مىقتى مەملەكەت قالىپتاستىرۋ بولاتىن. جانە ولار قالىپتاستىردى. سىرتقى جاۋ قىتايعا قارسى تۇرا الدى. التىن وردا، قازاق حاندىعى نە ءۇشىن ىدىرادى؟ اۋىزبىرلىك پەن بەرەكەنىڭ بولماۋىنان ەمەس پە ەدى؟؟؟ قان مەن تەر ارقىلى قول جەتكىزگەن تاۋەلسىزدىگىمىزدى بەرىك ۇستايىق! ۇرپاق ءۇشىن، ەل ءۇشىن دەگەن كيەلى ءسوزدى ۇمىتپايىق! كەلەشەكتە مەملەكەتتىڭ مىقتى بولۋى، ۇلتتىق قۇندىلىقتاردىڭ ساقتالۋى - ول، بۇگىنگى بارشامىزعا بايلانىستى. بولىنبە، قازاعىم!!!
"ادىرنا" ۇلتتىق پورتالى
