Serikjanǵa ádeıi Shahanovty qarsy qoıyp otyr!

520

Qurmetti Qazaq Eli! Aptaldaı eki azamattyń arasyndaǵy áńgimeniń núktesi qoıylatyn kez baıaǵyda kelgen edi. Dese de munyń osyndaı qoǵamdyq deńgeıde talqylanýy ulttyq qaýipsizdigimizge zııany tıe me dep oılaımyn! Serikjan da, Muhtar Shahanov ta batyr azamattar, ekeýi de ulttyń múddesi úshin kúresken tulǵalar, ádildik úshin jan aıamas asyl tulǵalar! Serikjan qytaıdaǵy qandastardyń múddesi úshin shyndyqty álemge jaıyp qazaq múddesin qorǵasa, Muhtar aǵa sonaý 1986 jylǵy jeltoqsan qozǵalysynyń shyndyǵy úshin kúresip búginge deıin ulttyń múddesin qorǵaýmen keledi. Aınalyp kelgende ekeýiniń de múddesi ol Qazaq múddesi, táýelsizdikti saqtaý... Shahanov Serikjan týraly bylaı aıtty degen beıne, aýdıojazba bolsa kórsetsinshi maǵan?! Meniń ózimniń jeke pikirim: Serikjandy kinálap, tunshyqtyryp, qoǵamǵa teris qylyp kórsetý úshin jasalǵan jalǵan jala, dálelsiz aıyp dep bilemin. Serikjanǵa qarsy pikirler men posttar da bar. Menińshe6 Serikjandy qaralap, ol týraly jalǵan aqparat taratyp, jazyqsyz kinálaý tarıhı qatelik. Osyndaıǵa barǵan arandatýshy toptar bar ekeni ras. Ekinshiden, Serikjannyń oqıǵasy arqyly halyqtyń arasyna ot salyp, qoǵamdy ekige jaryp, bir-birine jaý qylý áreketi ma dep te oılaımyn. Qoǵam bir tutas berekede bolýy kimge qaýipti? Sol jaǵyn da oılaǵan durys.
Tektidikti joǵaltpaı, ár ósek aıań men jalǵan jalaǵa ermegen durys. Qoǵam birtutas bolsa ǵana memleket myqty bolady. Bólinbeıik! Keshegi kóne Túrki babalarymyz Kúltegin, Bumyn qaǵandar: "Seniń kúshiń birlikter ǵana" degen joq pa? Babalardan asyp týa almaspyz. Olardyń múddesi syrtqy jaýǵa tótep berý úshin myqty memleket qalyptastyrý bolatyn. Jáne olar qalyptastyrdy. Syrtqy jaý qytaıǵa qarsy tura aldy. Altyn Orda, Qazaq handyǵy ne úshin ydyrady? Aýyzbirlik pen berekeniń bolmaýynan emes pe edi??? Qan men ter arqyly qol jetkizgen táýelsizdigimizdi berik ustaıyq! Urpaq úshin, El úshin degen kıeli sózdi umytpaıyq! Keleshekte memlekettiń myqty bolýy, ulttyq qundylyqtardyń saqtalýy - ol, búgingi barshamyzǵa baılanysty. Bólinbe, Qazaǵym!!!

Qalqaman Abdrahmanuly

"Adyrna" ulttyq portaly

Pikirler