مايقايىڭ كەنىشىندە شاحتاعا قۇلاعان اۆتوبۋس بولشەكتەرى تابىلدى. بۇل تۋرالى بۇگىن، 25 شىلدەدە پاۆلودار وبلىسى اكىمدىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
قازىرگى ۋاقىتتا كولىكتىڭ الدىڭعى بولىگىنە دەيىن جەتۋ مۇمكىن بولىپ، بامپەر مەن كولىكتىڭ دوڭعالاعى كورىنگەن.
اكىمدىك قاتتى جاڭبىر، جەل جانە توپىراقتىڭ قۇلاۋ قاۋپى سالدارىنان ىزدەۋ جۇمىستارى اسا ساقتىقپەن جۇرگىزىلىپ جاتقانىن اتاپ ءوتتى.
55 جاستاعى ءتورتىنشى قۇتقارۋشى، جۇرگىزۋشى ايىپ تىلەۋبەرگەنوۆتىڭ دەنەسى ءالى تابىلعان جوق. قازىرگى تاڭدا ىزدەۋ شارالارى ءالى دە جۇرگىزىلىپ جاتىر.
ەسكە سالايىق، 2024 جىلدىڭ 4 قاڭتارىندا مايقايىڭ كەنىشى شاحتاسىنىڭ ماڭىندا ءتورت جولاۋشىسى بار اۆتوبۋس تازارتۋ كەڭىستىگىنە قۇلاپ كەتكەن ەدى. 2 ادامنىڭ ءمايىتى جەر بەتىنە شىعارىلدى، تاعى 2 قۇتقارۋشىنى ىزدەستىرۋ جۇمىستارى قايتا جانداندى. 19 شىلدەدە قۇتقارۋشىلار ۆزۆودى كومانديرى ايدوس شايمەردەنوۆتىڭ دەنەسى تابىلدى.
