Maıqaıyń kenishinde shahtaǵa qulaǵan avtobýs bólshekteri tabyldy. Bul týraly búgin, 25 shildede Pavlodar oblysy ákimdiginiń baspasóz qyzmeti aıtty, dep habarlaıdy «Adyrna» tilshisi.
Qazirgi ýaqytta kóliktiń aldyńǵy bóligine deıin jetý múmkin bolyp, bamper men kóliktiń dońǵalaǵy kóringen.
Ákimdik qatty jańbyr, jel jáne topyraqtyń qulaý qaýpi saldarynan izdeý jumystary asa saqtyqpen júrgizilip jatqanyn atap ótti.
55 jastaǵy tórtinshi qutqarýshy, júrgizýshi Aıyp Tileýbergenovtiń denesi áli tabylǵan joq. Qazirgi tańda izdeý sharalary áli de júrgizilip jatyr.
Eske salaıyq, 2024 jyldyń 4 qańtarynda Maıqaıyń kenishi shahtasynyń mańynda tórt jolaýshysy bar avtobýs tazartý keńistigine qulap ketken edi. 2 adamnyń máıiti jer betine shyǵaryldy, taǵy 2 qutqarýshyny izdestirý jumystary qaıta jandandy. 19 shildede qutqarýshylar vzvody komandıri Aıdos Shaımerdenovtyń denesi tabyldy.
