رەسەي ءانشىسى ميستەر كرەدو رەسەيدەن قازاقستانعا جىبەرىلمەدى، دەپ حابارلايدى "ادىرنا" ۇلتتىق پورتالى Tengri.news-قا سىلتەپ.
ءانشى 13 شىلدە كۇنى استانادا، 14 شىلدە كۇنى الماتىدا ءوتىپ جاتقان رەترو فەستيۆالىندە ونەر كورسەتۋى كەرەك ەدى.
«مەنى رەسەيدەن قازاقستانعا ىشكى پاسپورتپەن جىبەرمەي قويدى»، - دەدى ءانشى كرەدو.
سونداي-اق ول بەلارۋسس مەملەكەتى ارقىلى دا ۇشۋعا تىرىسقانىن ايتتى.
«بىراق بەلارۋستە 2023 جىلدىڭ 1 ساۋىرىنەن باستاپ زاڭدار وزگەرگەندىكتەن، قازىر مەن قازاقستانعا حالىقارالىق تولقۇجاتسىز ۇشا المايتىن بولىپ شىقتىم، بۇل مەنىڭ ويىمدا دا جوق، ويتكەنى بارلىق بيلەتتەر ىشكى كارتا ارقىلى ساتىپ الىنعان ەكەن »، - دەدى ميستەر كرەدو.
فەستيۆال ۇيىمداستىرۋشىلارى دا ءانشىنىڭ بۇل كەشكە كەلمەۋىنە قاتىستى ءمان-جايدى ءتۇسىندىردى.
«ءانشى 12 شىلدە كۇنى كەشكە رەسەيدەن قازاقستانعا ۇشۋى كەرەك ەدى. الايدا وعان ۇشۋعا تىيىم سالىندى. ۇيىمداستىرۋشىلار رەتىندە ونىڭ قارىزدارى تۋرالى مالىمدەمەسىن الىپ جاتىرمىز. ونىڭ شەتەلگە شىعۋعا ارنالعان قۇجاتى جوق بولعاندىقتان وعان ۇشۋعا تىيىم سالىنعان. ءبىز ۇيىمداستىرۋشى بولعاندىقتان ماسەلەنى شەشۋگە تىرىستىق»، - دەدى ۇيىمداستىرۋ كوميتەتى.
