Reseı ánshisi Mıster Kredo Reseıden Qazaqstanǵa jiberilmedi, dep habarlaıdy "Adyrna" ulttyq portaly Tengri.news-qa siltep.
Ánshi 13 shilde kúni Astanada, 14 shilde kúni Almatyda ótip jatqan retro festıvalinde óner kórsetýi kerek edi.
«Meni Reseıden Qazaqstanǵa ishki pasportpen jibermeı qoıdy», - dedi ánshi Kredo.
Sondaı-aq ol Belarýss memleketi arqyly da ushýǵa tyrysqanyn aıtty.
«Biraq Belarýste 2023 jyldyń 1 sáýirinen bastap zańdar ózgergendikten, qazir men Qazaqstanǵa halyqaralyq tólqujatsyz usha almaıtyn bolyp shyqtym, bul meniń oıymda da joq, óıtkeni barlyq bıletter ishki karta arqyly satyp alynǵan eken », - dedi Mıster Kredo.
Festıval uıymdastyrýshylary da ánshiniń bul keshke kelmeýine qatysty mán-jaıdy túsindirdi.
«Ánshi 12 shilde kúni keshke Reseıden Qazaqstanǵa ushýy kerek edi. Alaıda oǵan ushýǵa tyıym salyndy. Uıymdastyrýshylar retinde onyń qaryzdary týraly málimdemesin alyp jatyrmyz. Onyń shetelge shyǵýǵa arnalǵan qujaty joq bolǵandyqtan oǵan ushýǵa tyıym salynǵan. Biz uıymdastyrýshy bolǵandyqtan máseleni sheshýge tyrystyq», - dedi uıymdastyrý komıteti.
