بەلگىلى قازاقستاندىق كاسىپكەر ايدان سۇلەيمەنوۆا رەسەي ازاماتتىعىنان باس تارتتى. بۇل تۋرالى 11 شىلدەدە «اگەنتستۆو» باسىلىمى جازدى، دەپ حابارلايدى «ادىرنا» ءتىلشىسى.
«كەشە پرەزيدەنت ۆلاديمير پۋتين
رەسەي فەدەراتسياسىنىڭ ازاماتتىعىنا قابىلداۋ جانە ودان ايىرۋ تۋرالى جارلىققا قول قويدى. رەسەيلىك تولقۇجاتتان باس تارتقانداردىڭ قاتارىندا «AYALA» قايىرىمدىلىق قورىنىڭ نەگىزىن قالاۋشى ايدان سۇلەيمەنوۆا بار. ول – قازاقستاننىڭ تۇڭعىش سىرتقى ىستەر ءمينيسترى تولەۋتاي سۇلەيمەنوۆتىڭ قىزى جانە ەلدەگى ەڭ باي ءارى ىقپالدى بيزنەسمەندەردىڭ ءبىرى دانيار ابىلعازيننىڭ ايەلى»،—دەلىنگەن حابارلامادا.
ەسكە سالايىق، بۇعان دەيىن وليگارح دانيار ابىلعازين مەن ايەلى ايدان سۇلەيمەنوۆانىڭ گرەكيادا ياحتا جالعا العانىن بەلگىلى بولعان ەدى.
21 ماۋسىمدا ياحتا ەكيپاجى گيدرا ارالىنداعى ورتكە بايلانىستى ۇستالدى. بەلگىلى بولعانداي، تۋريستەر جالدامالى ياحتادا وتشاشۋ اتقان. سالدارىنان قاراعايلى ورمان ورتكە ورانعان بولاتىن. ارال مەرى دجورگوس كۋكۋلاكي شەتەلدىكتەردى سوتقا بەرەتىنىن مالىمدەدى. كۇدىكتىلەردىڭ اراسىندا قازاقستاندىق كاسىپكەر ونىڭ ايەلى دە بولدى. الايدا ابىلعازين مالىمدەمە جاساپ، ورتكە قاتىسى جوقتىعىن ايتتى.
قۇقىق قورعاۋ ورگاندارى ورماندى ورتەدى دەپ ايىپتالعان ياحتا كاپيتانى مەن ونىڭ كومەكشىسىن ۇستادى. ەكيپاجدىڭ وزگە ون ءبىر مۇشەسى كەپىلگە بوساتىلدى. بارلىق كۇدىكتى كىنانى جوققا شىعارىپ وتىر.
