يسپانيا مەن فرانتسيا قۇرامالارى اراسىندا وتكەن بيىلعى ەۋروپا چەمپيوناتىنىڭ ءبىرىنشى جارتىلاي فينالدىق ويىنى اياقتالدى، - دەپ حابارلايدى “ادىرنا” ۇلتتىق پورتالى.
حالىقارالىق ءتۋرنيردىڭ فينالىنا شىعۋ ءۇشىن ماتچ ميۋنحەندەگى «اليانتس ارەنا» ستاديونىندا ءوتىپ، 2:1 ەسەبىمەن يسپانيا قۇراماسىنىڭ پايداسىنا اياقتالدى.
كەزدەسۋدەگى العاشقى گولدى توعىزىنشى مينۋتتا فرانتسيا قۇراماسىنىڭ شابۋىلشىسى كولو مۋاني سوقتى. ايتا كەتەيىك، بۇل فرانتسيانىڭ ءبىر ويىندا وزدەرى سوققان العاشقى گولى. ولار بۇعان دەيىن ەكى اۆتوگول جانە ءبىر پەنالتي ارقىلى ەسەپ ەسەلەگەن بولاتىن.
ويىننىڭ 21-مينۋتىندا بارسەلونانىڭ 16 جاستاعى ۆۋندەركيندى لامين يامال الىس قاشىقتىقتان سوققى جاساپ، ەسەپتى تەڭەستىردى.
24-مينۋتتا داني ولمو ويىن ەسەبىن 2:1-گە جەتكىزدى.
ەۋرو-2024 فينالىندا يسپانيا قۇراماسى ەكىنشى جارتىلاي فينالدا وينايتىن نيدەرلاندى-انگليا جۇبىنىڭ جەڭىمپازىمەن كەزدەسەدى.
ەسكە سالا كەتەيىك، ەۋرو-2024 گەرمانيادا 14 ماۋسىم مەن 14 شىلدە ارالىعىندا وتەدى. بۇعان دەيىنگى چەمپيوندار بيىلعى ەۋرونىڭ 1/8 كەزەڭىنەن وتكەن يتاليالىقتار.
