Ispanııa men Franııa quramalary arasynda ótken bıylǵy Eýropa chempıonatynyń birinshi jartylaı fınaldyq oıyny aıaqtaldy, - dep habarlaıdy “Adyrna” ulttyq portaly.
Halyqaralyq týrnırdiń fınalyna shyǵý úshin match Mıýnhendegi «Alıan Arena» stadıonynda ótip, 2:1 esebimen Ispanııa quramasynyń paıdasyna aıaqtaldy.
Kezdesýdegi alǵashqy goldy toǵyzynshy mınýtta Franııa quramasynyń shabýylshysy Kolo Mýanı soqty. Aıta keteıik, bul Franııanyń bir oıynda ózderi soqqan alǵashqy goly. Olar buǵan deıin eki avtogol jáne bir penaltı arqyly esep eselegen bolatyn.
Oıynnyń 21-mınýtynda Barselonanyń 16 jastaǵy výnderkındi Lamın Iamal alys qashyqtyqtan soqqy jasap, esepti teńestirdi.
24-mınýtta Danı Olmo oıyn esebin 2:1-ge jetkizdi.
Eýro-2024 fınalynda Ispanııa quramasy ekinshi jartylaı fınalda oınaıtyn Nıderlandy-Anglııa jubynyń jeńimpazymen kezdesedi.
Eske sala keteıik, Eýro-2024 Germanııada 14 maýsym men 14 shilde aralyǵynda ótedi. Buǵan deıingi chempıondar bıylǵy Eýronyń 1/8 kezeńinen ótken Italııalyqtar.
