ءسپيرتتى ىشىمدىككە قۇمارتقان جان
ەگەر ءسوز سالىپ جۇرگەن جىگىت ءسىزدى قويماي ىشىمدىك ىشەتىن جەرگە شاقىرا بەرسە، ويلانىڭىز. ءسپيرتتى ىشىمدىكتەرگە ءبۇيىرى بۇرىپ تۇراتىن ەركەك ءسىزدى دە ءبۇلدىرۋى مۇمكىن.
نە ىستەسە دە جاقتىرمايتىن ادام
نە ىستەسە دە كوڭىلى تولمايتىن ەركەكتەر بولادى. ءاردايىم كيگەن كيىمىڭىزگە سويلەسە، كۇننىڭ تۇسكەنىنىڭ وزىنە اشۋلانىپ، بارعان جەرلەردە دايارشىعا مىنەزىن كورسەتىپ وتىراتىن ادام بولسا، ارى قاراي قاتىناستى دوعارعانىڭىز ءجون.
«ماماسىنىڭ بالاسى»
كەيبىر ەر ازاماتتان ءبىر ءمىن تاپپايسىڭ. بىراق ءاردايىم اناسىنا كۇنىنە 3 رەتتەن حابارلاساتىن، اناسىنا ءار باسقان قادامىن جەتكىزەتىن اداممەن ءومىر باقي كوڭىل جاراستىرا المايتىنىڭىزدى ءتۇسىنىڭىز.
تازالىققا جانى قۇمار
ەگەر جىگىتىڭىزدىڭ ۇيىندە ادەتتەن تىس تازالىق ورناعانىن كورسەڭىز، ويلانىڭىز. ويتكەنى، ول ءسىزدىڭ ءار جاساعان ىسىڭىزگە ارالاسىپ، ۇساق-تۇيەككە مازاسىزدىق تانىتاتىن بولادى. سىزدە «تازالىق سيندرومى» پايدا بولادى. سول ءۇشىن ۋايىمداپ، تاعى نە جاقپاي قالدى، قاي جەردە شاڭ تۇر دەگەن ۋايىممەن ەرتە قارتايىپ كەتۋىڭىز ابدەن مۇمكىن.
ۇيالى تەلەفونىن قولىنان تاستامايتىن ادام
تەلەفونىن قايدا بارسا دا قۇشاقتاپ جۇرەتىن جىگىت بولاشاقتا جار بولىپ قاتىرمايدى. تەلەفونىنىڭ ەكرانىن تومەن قاراتىپ قويعاننىڭ ءوزى كوپ نارسەنى جاسىرىپ، سىرتتان ءىس تىندىرىپ جۇرگەن ادامنىڭ ارەكەتى. ول تەلەفوندا وتىرعاندا ورتادا تولىققاندى اڭگىمە جۇرمەيتىنى بەلگىلى.
بارىنە كەلىسە بەرەتىن ادام
ەگەر جىگىتىڭىز ءسىزدىڭ اۋزىڭىزدان شىققان ءار ءسوزدى ماقۇلداي بەرسە، ول ادامنىڭ جەكە وي-پىكىرى مۇلدە قالىپتاسپاعان. كۇندەردىڭ كۇنىندە باسىڭىزعا ءىس تۇسكەن جاعدايدا ونداي ەركەكتەن پايدا جوق. ءسىزدى تىڭدايتىن قۇلاق تاپپاي قينالاتىنىڭىز انىق.
سوندىقتان بولاشاق جار تاڭداۋدا وسى مىنەز-قۇلىقتاردى اڭعارىپ، دۇرىس تاڭداۋ جاساعانىڭىز ءجون.
"ادىرنا" ۇلتتىق پورتالى
