Spırtti ishimdikke qumartqan jan
Eger sóz salyp júrgen jigit sizdi qoımaı ishimdik ishetin jerge shaqyra berse, oılanyńyz. Spırtti ishimdikterge búıiri buryp turatyn erkek sizdi de búldirýi múmkin.
Ne istese de jaqtyrmaıtyn adam
Ne istese de kóńili tolmaıtyn erkekter bolady. Árdaıym kıgen kıimińizge sóılese, kúnniń túskeniniń ózine ashýlanyp, barǵan jerlerde daıarshyǵa minezin kórsetip otyratyn adam bolsa, ary qaraı qatynasty doǵarǵanyńyz jón.
«Mamasynyń balasy»
Keıbir er azamattan bir min tappaısyń. Biraq árdaıym anasyna kúnine 3 retten habarlasatyn, anasyna ár basqan qadamyn jetkizetin adammen ómir baqı kóńil jarastyra almaıtynyńyzdy túsinińiz.
Tazalyqqa jany qumar
Eger jigitińizdiń úıinde ádetten tys tazalyq ornaǵanyn kórseńiz, oılanyńyz. Óıtkeni, ol sizdiń ár jasaǵan isińizge aralasyp, usaq-túıekke mazasyzdyq tanytatyn bolady. Sizde «tazalyq sındromy» paıda bolady. Sol úshin ýaıymdap, taǵy ne jaqpaı qaldy, qaı jerde shań tur degen ýaıymmen erte qartaıyp ketýińiz ábden múmkin.
Uıaly telefonyn qolynan tastamaıtyn adam
Telefonyn qaıda barsa da qushaqtap júretin jigit bolashaqta jar bolyp qatyrmaıdy. Telefonynyń ekranyn tómen qaratyp qoıǵannyń ózi kóp nárseni jasyryp, syrttan is tyndyryp júrgen adamnyń áreketi. Ol telefonda otyrǵanda ortada tolyqqandy áńgime júrmeıtini belgili.
Bárine kelise beretin adam
Eger jigitińiz sizdiń aýzyńyzdan shyqqan ár sózdi maquldaı berse, ol adamnyń jeke oı-pikiri múlde qalyptaspaǵan. Kúnderdiń kúninde basyńyzǵa is túsken jaǵdaıda ondaı erkekten paıda joq. Sizdi tyńdaıtyn qulaq tappaı qınalatynyńyz anyq.
Sondyqtan bolashaq jar tańdaýda osy minez-qulyqtardy ańǵaryp, durys tańdaý jasaǵanyńyz jón.
"Adyrna" ulttyq portaly
