جاسوسپىرىمدەر اراسىنداعى شاحماتتان ءۇش قازاقستاندىق جاس شاحماتشى الەم كۋبوگىن جەڭىپ الدى، دەپ حابارلايدى “ادىرنا” ۇلتتىق پورتالى قازاقستان شاحمات فەدەراتسياسىنىڭ ءباسپاسوز قىزمەتىنە سىلتەمە جاساپ.
«گرۋزيانىڭ باتۋمي قالاسىندا 8 بەن 12 جاس ارالىعىنداعى جاسوسپىرىمدەر اراسىنداعى شاحماتتان الەم كۋبوگى قازاقستاندىقتار ءۇشىن جەڭىسپەن اياقتالدى. ءۇش جاس شاحماتشىمىز بىردەن ءبىرىنشى ورىندارعا يە بولدى: بۇل الماتىلىقتار ريزات ۇلان، ءنۇرالى بولاشاقوۆ جانە ميلانا فيليپپوۆا»، - دەلىنگەن حابارلامادا.
قازاقستاندىقتار كۋبوكقا الماتىدا وتكەن ازيا چەمپيوناتىنان كەيىن بىردەن جول تارتتى. فەدەراتسيا بۇل شاحمات تاريحىنداعى 8-12 جاس ارالىعىنداعى فيدە الەم چەمپيوناتى ەكەنىن اتاپ ءوتتى. تۋرنيرگە بارلىعى 288 جاس شاحماتشى جينالدى، ونىڭ ىشىندە 20-سى قازاقستاندىق.
ۇقساس جاڭالىقتار
