Жасөспірімдер арасындағы шахматтан үш қазақстандық жас шахматшы әлем кубогын жеңіп алды, деп хабарлайды “Адырна” ұлттық порталы Қазақстан шахмат федерациясының баспасөз қызметіне сілтеме жасап.
«Грузияның Батуми қаласында 8 бен 12 жас аралығындағы жасөспірімдер арасындағы шахматтан әлем кубогы қазақстандықтар үшін жеңіспен аяқталды. Үш жас шахматшымыз бірден бірінші орындарға ие болды: бұл алматылықтар Ризат Ұлан, Нұрәлі Болашақов және Милана Филиппова», - делінген хабарламада.
Қазақстандықтар кубокқа Алматыда өткен Азия чемпионатынан кейін бірден жол тартты. Федерация бұл шахмат тарихындағы 8-12 жас аралығындағы ФИДЕ әлем чемпионаты екенін атап өтті. Турнирге барлығы 288 жас шахматшы жиналды, оның ішінде 20-сы қазақстандық.
