ۋكراينادان ۇشاتىن قازاقستاندىقتاردىڭ العاشقى رەيسى 27 اقپانعا شەگەرىلۋى مۇمكىن

3894
Adyrna.kz Telegram

قر سىرتقى ىستەر مينيسترلىگى ۋكراينادان ورالاتىن العاشقى رەيس 27 اقپانعا شەگەرىلۋى مۇمكىن ەكەنىن مالىمدەدى، - دەپ حابارلايدى "ادىرنا" ۇلتتىق پورتالى.

سىرتقى ىستەر مينيسترلىگىنىڭ رەسمي وكىلى ايبەك سمادياروۆ العاشقى رەپاترياتسيالىق رەيس 26 اقپاندا تاڭەرتەڭ جۇزەگە اسىرىلادى دەپ جوسپارلانعانىن نەمەسە 27 اقپانعا شەگەرىلەتىنىن ايتتى.

"پولشا شەكاراسىندا ءبىزدىڭ ازاماتتاردى تاسىمالداعان اۆتوبۋستار قازىر كوپ شاقىرىم كەپتەلىستە تۇر. ءبىر اۆتوبۋس شەكارا بەكەتىندە 7 ساعاتتان بەرى تۇر. ىشىندە ايەلدەر مەن بالالار بار. جاعدايدى ءتۇسىنىپ تۇرسىزدار عوي. سوندىقتان بارلىعىن سابىرعا شاقىرامىز. الداعى ۋاقىتتا باسقا دا رەپاترياتسيا رەيستەرى ۇيىمداستىرىلادى»، - دەدى سمادياروۆ.

"ادىرنا" ۇلتتىق پورتالى

پىكىرلەر