قازاقستاندا جوعارى جالاقىنى كىمدەر الادى؟

1080
Adyrna.kz Telegram

Hh.kz سەرۆيسى قىركۇيەك ايىندا سالالار بويىنشا جالاقى مولشەرىنە ساراپتاما ۇسىندى. ۇسىنىلعان كەستەدەن قازاقستاندا كەڭەس بەرۋ سالاسىندا جوعارى جالاقى تولەنەتىنىن كورۋگە بولادى، دەپ حابارلايدى “ادىرنا”  تىلشەسى،

ماسەلەن، قىركۇيەك ايىندا سالاداعى جالاقىنىڭ ءوسىمى 7 پايىز بولدى. ەڭ جوعارى جالاقى مولشەرى – 1 ملن 700 مىڭ تەڭگە.

ساتىپ الۋ سالاسىنداعى جالاقىنىڭ ورتاشا مولشەرى – 344 339 تەڭگە.

زەرتتەۋگە سايكەس، ساتىپ الۋ سالاسىنداعى مامانداردىڭ ورتاشا جالاقىسى قىركۇيەك ايىندا 29 پايىزعا ءوستى. تامىز ايىندا كاسىپتىڭ ورتاشا جالاقىسى 266 مىڭ 519 تەڭگەنى قۇراعان ەدى.

ال ءۇي پەرسونالى سالاسىنداعى ورتاشا جالاقى 148 مىڭ تەڭگەدەن اسادى. وتكەن ايدا ول تامىزبەن (158 مىڭ 136 تەڭگە) سالىستىرعاندا 6 پايىزعا تومەندەپ وتىر.

اۆتوموبيل بيزنەسى، عىلىم جانە ءبىلىم بەرۋ سالالارىنداعى جالاقى دەڭگەيى دە تاعى 6 پايىزعا قىسقارعان.

ەڭ جوعارى جالاقى جوعارى مەنەدجمەنت سالاسىندا تىركەلگەن. اتالعان سالا قىزمەتكەرلەرىنىڭ ەڭ جوعارى جالاقىسى قىركۇيەك ايىندا 1 پايىزعا تومەندەپ، 1 ملن 899 مىڭ 782 تەڭگەنى قۇرادى.

ساقتاندىرۋ سالاسىندا جۇمىس ىستەيتىن مامانداردىڭ ورتاشا جالاقىسى 13 پايىزعا ءوستى.

وسىلايشا، قازاقستانداعى ورتاشا اريفمەتيكالىق جالاقى سالالاردا مىناداي:

كەڭەس بەرۋ – 638 133 تەڭگە;

جوعارى مەنەدجمەنت – 535 866 تەڭگە;

شيكىزات ءوندىرۋ – 452 930 تەڭگە;

اقپاراتتىق تەحنولوگيالار – 390 392 تەڭگە;

ساتىپ الۋ – 344 339 تەڭگە;

قۇرىلىس، جىلجىمايتىن مۇلىك – 334 364 تەڭگە;

مەديتسينا، فارماتسەۆتيكا – 300 908 تەڭگە;

ءوندىرىس، اۋىل شارۋاشىلىعى – 293 555 تەڭگە;

بانكتەر، ينۆەستيتسيا، ليزينگ – 291 239 تەڭگە;

ساتۋ – 281 822 تەڭگە;

اۆتوموبيل بيزنەسى – 278 262 تەڭگە;

زاڭگەرلەر – 273 069 تەڭگە;

ماركەتينگ، جارناما، ماسس-مەديا – 267 102 تەڭگە;

كولىك، لوگيستيكا – 265 270 تەڭگە;

تۋريزم، قوناق ۇيلەر، مەيرامحانالار – 258 707 تەڭگە;

جۇمىسشى پەرسونالى – 251 548 تەڭگە;

سپورت كلۋبتارى، سۇلۋلىق سالوندارى – 248 955 تەڭگە;

پەرسونالدى باسقارۋ، ترەنينگتەر – 245 998 تەڭگە;

بۋحگالتەريا، ەسەپ جانە قارجى – 245 245 تەڭگە;

ساقتاندىرۋ – 229 244 تەڭگە;

عىلىم، ءبىلىم – 214 941 تەڭگە;

اكىمشىلىك پەرسونال – 200 928 تەڭگە;

قاۋىپسىزدىك – 185 776 تەڭگە;

ءۇي قىزمەتكەرلەرى – 148 648 تەڭگە.

زەرتتەۋ دەرەكتەرىنە سايكەس، قازاقستان بويىنشا ورتاشا اريفمەتيكالىق جالاقى – 270 مىڭ تەڭگە.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket