"تاريحي جەتىستىك!": قازاقستان ۇستەل تەننيسىنەن الەم چەمپيوناتىندا العاش رەت التىن الدى

5385
Adyrna.kz Telegram

تۋنيستە جاسوسپىرىمدەر اراسىندا ۇستەل تەننيسىنەن الەم چەمپيوناتىندا قازاقستاندىق الان قۇرمانعاليەۆ ارالاس سىندا مىسىرلىق حانا گودامەن بىرگە جەڭىمپاز اتاندى. بۇل تۋرالى قازاقپارات حابارلادى، دەپ جازادى "ادىرنا" ۇلتتىق پورتالى.

قازاقستان ۇستەل تەننيسى فەدەراتسياسىنان ءمالىم ەتكەنىندەي، قازاقستاندىق-مىسىرلىق جۇپ فينالدا پورتۋگاليالىق تياگو ابيودانا – يسپانيالىق ماريا بەرزوسادان باسىم ءتۇستى.

"بۇل – تاريحي جەتىستىك! الان قۇرمانعاليەۆ الەم چەمپيونى اتاندى. بۇل – قاجىرلى ەڭبەك پەن سپورتشىنىڭ ءوز ىسىنە بەرىلگەنىنىڭ جەمىسى. الان جىل بويى ۇزبەي جاتتىعىپ، شەبەرلىگىن جەتىلدىرە وتىرىپ، حالىقارالىق جارىستاردا 19 مەدالعا قول جەتكىزدى. بۇگىن قازاقستان ۇستەل تەننيسى تاريحىندا العاش رەت الەم چەمپيونى اتاندى. بۇل سپورت تۇرىنەن ەلىمىز جاڭا حالىقارالىق دەڭگەيگە كوتەرىلدى. بۇل ءبارىمىز ءۇشىن اسا ماڭىزدى. چەمپيوندى تاربيەلەگەن باپكەر ەلميرا اليەۆاعا العىسىمدى بىلدىرەمىن. الان مەن بارلىق جانكۇيەرلەردى قۇتتىقتايمىن. ءبىزدىڭ سپورتشىمىزبەن ماقتانامىز!",- دەدى قازاقستان ۇستەل تەننيسى فەدەراتسياسىنىڭ پرەزيدەنتى دانيار ابۋلعازين.

ەلميرا اليەۆا – قازاقستان ۇستەل تەننيسى قۇراماسىنىڭ باس باپكەرى ءارى الاننىڭ جەكە جاتتىقتىرۋشىسى. ول الاندى جەتى جاسىنان بەرى جاتتىقتىرىپ كەلەدى.

"ادىرنا" ۇلتتىق پورتالى 

پىكىرلەر