پرەزيدەنت قاسىم-جومارت توقاەۆ قىرعىزستاننىڭ وش وبلىسى نوقات اۋدانىندا سەل ءجۇرۋ سالدارىنان ادامداردىڭ قازا تابۋىنا بايلانىستى قىرعىز رەسپۋبليكاسىنىڭ پرەزيدەنتى سادىر جاپاروۆقا كوڭىل ايتۋ جەدەلحاتىن جولدادى. بۇل تۋرالى بۇگىن، 1 شىلدەدە اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
– قازاقستان حالقىنىڭ جانە جەكە ءوز اتىمنان قازا تاپقان ازاماتتاردىڭ وتباسى مەن جاقىن تۋىستارىنا قايعىرىپ كوڭىل ايتامىن. سونداي-اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. قازاقستان تاتۋ كورشىلىك جانە ءوزارا قولداۋ رۋحىندا تابيعات اپاتى بولعان ەلدى مەكەنگە گۋمانيتارلىق كومەك جىبەردى. قاجەت بولعان جاعدايدا، باۋىرلاس قىرعىزستانعا جاردەم بەرۋگە ءازىرمىز، – دەلىنگەن جەدەلحاتتا.
ەسكە سالايىق، بۇگىن قىرعىزستاندا قازا تاپقان قازاقستاندىق 4 بالانىڭ دەنەسى ەلگە جەتكىزىلگەنىن جازعان ەدىك.
