Prezıdent Qasym-Jomart Toqaev Qyrǵyzstannyń Osh oblysy Noqat aýdanynda sel júrý saldarynan adamdardyń qaza tabýyna baılanysty Qyrǵyz Respýblıkasynyń prezıdenti Sadyr Japarovqa kóńil aıtý jedelhatyn joldady. Bul týraly búgin, 1 shildede Aqordanyń baspasóz qyzmeti jazdy, dep habarlaıdy «Adyrna» tilshisi.
– Qazaqstan halqynyń jáne jeke óz atymnan qaza tapqan azamattardyń otbasy men jaqyn týystaryna qaıǵyryp kóńil aıtamyn. Sondaı-aq zardap shekkenderdiń tezirek saýyǵyp ketýine tilektestik bildiremin. Qazaqstan tatý kórshilik jáne ózara qoldaý rýhynda tabıǵat apaty bolǵan eldi mekenge gýmanıtarlyq kómek jiberdi. Qajet bolǵan jaǵdaıda, baýyrlas Qyrǵyzstanǵa járdem berýge ázirmiz, – delingen jedelhatta.
Eske salaıyq, búgin Qyrǵyzstanda qaza tapqan qazaqstandyq 4 balanyń denesi elge jetkizilgenin jazǵan edik.
