اسقار اقاەۆتىڭ بىشكەكتەگى سۋرەتى جاريالاندى

3439
Adyrna.kz Telegram

اسقار اقاەۆتى قىرعىزستانعا الىپ كەتتى. اقپارات قۇرالدارىندا ەكس-پرەزيدەنتتىڭ بىشكەكتەگى سۋرەتى پايدا بولدى، دەپ حابارلايدى "ادىرنا" ۇلتتىق پورتالى. 

ۇلتتىق قاۋىپسىزدىك مەملەكەتتىك كوميتەتىنە سىلتەمە جاساعان Sputnik قىرعىزستان اقاەۆتىڭ باسپالداقپەن ءتۇسىپ بارا جاتقان سۋرەتىن جاريالادى.
سونداي -اق اكاەۆتى ماناس اۋەجايىنان الىپ بارا جاتقان ءسات بەينەلەنگەن.

بۇگىن، 2 تامىزدا ۇلتتىق قاۋىپسىزدىك مەملەكەتتىك كوميتەتى ەكس-پرەزيدەنتتى بىشكەككە جەتكىزگەنى بەلگىلى بولدى. قازىر اقاەۆ ۇلتتىق قاۋىپسىزدىك مەملەكەتتىك كوميتەتىنىڭ عيماراتىندا، وندا ول قۇمتور كەن ورنىنداعى قىلمىستىق ءىس بويىنشا تەرگەۋ ارەكەتتەرىنە قاتىسادى.

اسقار اقاەۆ 1991-2005 جىلدارى قىرعىزستان پرەزيدەنتى بولدى. ول ەلدە وتستاۆكاعا كەتۋگە ميتينگىلەر باستالعانىنا بايلانىستى قىزمەتىنەن كەتتى. 2005 جىلدان باستاپ رەسەيدە تۇرادى. سودان بەرى ول تۋعان جەرگە ەشقاشان ورالماعان.

2021 جىلدىڭ شىلدەسىندە اسقار اقاەۆ پەن قىرعىزستاننىڭ تاعى ءبىر ەكس-پرەزيدەنتى قۇرمانبەك باكيەۆكە «قۇمتور» التىن كەنىشىن يگەرۋدە سىبايلاس جەمقورلىققا بايلانىستى ىزدەۋ جاريالانعاندىعى بەلگىلى بولدى.

"ادىرنا" ۇلتتىق پورتالى

پىكىرلەر