ءانشى، قازاقستاننىڭ ەڭبەك سىڭىرگەن مادەنيەت قايراتكەرى بايان ساعىنباەۆا 74 جاسقا قاراعان شاعىندا اۋىر ناۋقاستان دۇنيەدەن وزدى، دەپ حابارلايدى "ادىرنا" ۇلتتىق پورتالى.
ول 1951 جىلى 14 ناۋرىزدا بۇرىنعى سەمەي وبلىسى، قازىرگى اباي وبلىسى اباي اۋدانىندا تۋعان. 16 جاسىندا م.اۋەزوۆتىڭ "قاراكوز" شىعارماسىندا قاراكوز ءرولىن ويناپ، ەلگە تانىمال بولدى. كەلەسى جىلى وداقتىق بايقاۋعا قاتىسىپ، ب.ءمايليننىڭ «جالبىر» پەساسىندا قاديشانىڭ ءرولىن سومدادى.
بايان ساعىنباەۆا «قازاقكونتسەرتتە» ەڭبەك ەتىپ، وزبەكستان، تۇرىكمەنستان، باشقۇرتستان، ۋدمۋرتيا، قاراقالپاقستان ەلدەرىندە گاسترولدىك ساپارلاردا بولدى. كەيىننەن سەمەي قالاسىنداعى م.تولەباەۆ اتىنداعى ساز كوللەدجىندە ۇستازدىق ەتەدى.
مادەنيەت قايراتكەرى بۇكىلوداقتىق جاستار سىيلىعىنىڭ يەگەرى، مادەنيەت مينيسترلىگىنىڭ قۇرمەت گراموتالارىمەن ماراپاتتالعان. ەسىمى اباي اۋدانىنىڭ قۇرمەت تاقتاسىنا جازىلعان.
