Ánshi, Qazaqstannyń eńbek sińirgen mádenıet qaıratkeri Baıan Saǵynbaeva 74 jasqa qaraǵan shaǵynda aýyr naýqastan dúnıeden ozdy, dep habarlaıdy "Adyrna" ulttyq portaly.
Ol 1951 jyly 14 naýryzda burynǵy Semeı oblysy, qazirgi Abaı oblysy Abaı aýdanynda týǵan. 16 jasynda M.Áýezovtiń "Qarakóz" shyǵarmasynda Qarakóz rólin oınap, elge tanymal boldy. Kelesi jyly odaqtyq baıqaýǵa qatysyp, B.Maılınniń «Jalbyr» pesasynda Qadıshanyń rólin somdady.
Baıan Saǵynbaeva «Qazaqkonertte» eńbek etip, Ózbekstan, Túrikmenstan, Bashqurtstan, Ýdmýrtııa, Qaraqalpaqstan elderinde gastroldik saparlarda boldy. Keıinnen Semeı qalasyndaǵy M.Tólebaev atyndaǵy saz kolledjinde ustazdyq etedi.
Mádenıet qaıratkeri búkilodaqtyq jastar syılyǵynyń ıegeri, Mádenıet mınıstrliginiń Qurmet Gramotalarymen marapattalǵan. Esimi Abaı aýdanynyń Qurmet taqtasyna jazylǵan.
