شىعىس قازاقستاندا ەكى تۇرعىن بيلىكتى باسىپ الۋ جانە سەپاراتيستىك ارەكەتتەردى ناسيحاتتاعانى ءۇشىن 5 جىلعا سوتتالعان، دەپ حابارلايدى "ادىرنا" ۇلتتىق پورتالى Tengrinews.kz تىلشىسىنە سىلتەپ.
وبلىستىق پروكۋراتۋرانىڭ مالىمەتىنشە، №2 سوتىنىڭ شەشىمىمەن شىعىس قازاقستان وبلىسىنىڭ ەكى تۇرعىنى ۇلتتىق جانە الەۋمەتتىك ارازدىقتى قوزدىراتىن جاريالانىمدار مەن ۇگىت-ناسيحاتتارى ءۇشىن سوتتالعان.
"تەرگەۋ بارىسىندا اتالمىش تۇلعالار 2024 جىلدىڭ اقپانىندا ينتەرنەت-رەسۋرستاردى (چات-رۋلەتكا) پايدالانىپ، شىعىس قازاقستان وبلىسىن قازاقستان رەسپۋبليكاسىنان ءبولۋ ماقساتىندا رەفەرەندۋم وتكىزۋ قاجەت ەكەنى تۋرالى سەنىمدەرى مەن يدەيالارىن بىلدىرگەنى بەلگىلى بولدى.
رەفەرەندۋمدا وڭ ناتيجەگە قولجەتكىزىلمەگەن جاعدايدا وبلىستى كۇشتەپ باسىپ الۋدى ناسيحاتتاعان. ايىپتالۋشىلار ءوز كىنالارىن تولىق مويىنداپ، وكىنىش ءبىلدىردى", - دەلىنگەن پرروكۋراتۋرا حابارلاماسىندا.
