ورالدىڭ ەكى تۇرعىنىنىڭ سەپاراتيستىك مالىمدەمەسى بويىنشا پوليتسيا تەرگەۋ باستادى، دەپ حابارلايدى “ادىرنا” ۇلتتىق پورتالى "ۋرالسكايا نەدەليا" باسىلىمىنا سىلتەمە جاساپ.
"جۇرگىزىلگەن شارالاردىڭ ناتيجەسىندە 1990 جىلى تۋعان ازامات "ر" جانە 1987 جىلى تۋعان ازامات "ك" انىقتالدى. ەكەۋى دە ورال قالاسىنىڭ تۇرعىندارى. 2023 جىلدىڭ 14 اقپانىندا اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 174-بابىنىڭ 1-بولىگى "ۇلتارالىق ارازدىقتى قوزدىرۋ" بويىنشا سوتقا دەيىنگى تەرگەۋ باستالدى. قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنىڭ شەڭبەرىندەگى وزگە مالىمەتتەر جاريا ەتۋگە جاتپايدى", - دەپ مالىمدەدى بقو پوليتسيا دەپارتامەنتى.
اقپارات بويىنشا، كۇدىكتىلەر مەن بلوگەر اراسىنداعى ديالوگ چات-رۋلەتكا عالامتور جەلىسىندە بولعان. ەر ادام ورالدىڭ ەجەلدەن ورىس قالاسى ەكەنىن ايتىپ، قازاقتىلدى قازاقتاردى "مامبەت" دەپ اتاپ، رەسەي قازاقستانعا شابۋىل جاساسا، ورىستاردى قولدايتىنىن ايتقان.
ۇستالعاننان كەيىن ول قازاقستاندىقتاردان كەشىرىم سۇراپ، بلوگەرمەن ماس كۇيىندە سويلەسكەنىن جەتكىزگەن.
