الماتى تۇرعىنى ۆاكتسينا سالدىرعاننان كەيىن كوز جۇمدى - تۇسىنىكتەمە بەرىلدى

3797
Adyrna.kz Telegram

الەۋمەتتىك جەلىلەردە الماتى تۇرعىنى باقىتجان ءنۇرتازيننىڭ "ۆاكتسينا العاننان" كوز جۇمعانى تۋرالى اقپارات تاراۋدا. جاعدايعا قالالىق قوعامدىق دەنساۋلىق ساقتاۋ باسقارماسى تۇسىنىكتەمە بەردى، دەپ حابارلايدى Stan.kz اقپارات اگەنتتىگى.

الەۋمەتتىك جەلىلەردە تاراعان اقپاراتقا سايكەس، 42 جاستاعى باقىتجان ءنۇرتازيننىڭ ولىمىنە ۆاكتسينا سەبەپ بولعان.

الماتىنىڭ قوعامدىق دەنساۋلىق ساقتاۋ باسقارماسى ەر ادامنىڭ ناقتى نەدەن كوز جۇمعانىن انىقتاۋعا ۋادە بەردى.

"1979 جىلى تۋعان ازامات ب.نۇرتازين 12 ءساۋىر كۇنى ەمحاناعا كوروناۆيرۋس ينفەكتسياسىنا قارسى ۆاكتسينانىڭ العاشقى دوزاسىن الۋ ءۇشىن جۇگىنگەن. پروتسەدۋرا حاتتاماعا سايكەس ءوتتى. ەكپەدەن كەيىن ب.نۇرتازين 30 مينۋت بويى باقىلاۋدا بولعان، ەشقانداي شاعىم جاساماعان.

21 كۇننەن كەيىن ۆاكتسينانىڭ ەكىنشى كومپونەنتىن العان. دارىگەردىڭ قاراۋى كەزىندە جاعدايى قاناعاتتاندىرارلىق بولعان، ەكپە پروتسەدۋراسىنان كەيىن 30 مينۋت باقىلاۋدا بولىپ، ب.نۇرتازين ۇيىنە كەتكەن", - دەدى ۆەدومستۆودا.

مارقۇمنىڭ جاعدايى ۇيىندە ناشارلاعان. جەدەل جاردەم كەلگەنگە دەيىن كوز جۇمعان.

"الدىن الا بولجامدارعا سايكەس، جەدەل جۇرەك-قانتامىر جەتىسپەۋشىلىگىنەن قايتىس بولعان. قايتىس بولۋ سەبەپتەرىن انىقتاۋ ءۇشىن تەرگەۋ جۇرگىزىلىپ جاتىر، سوت-مەديتسينالىق ساراپتاما باستالدى. ناتيجەلەر قوسىمشا حابارلاناتىن بولادى، ناقتى دياگنوز گيستولوگيالىق زەرتتەۋدەن كەيىن بەلگىلى بولادى", - دەپ تولىقتىردى دارىگەرلەر.

الماتى قالاسى قوعامدىق دەنساۋلىق باسقارماسى مارقۇمنىڭ تۋىستارىنا كوڭىل ايتادى.

پىكىرلەر