الماتىدا ينتەرنەت-الاياقتار توبى ۇستالدى. ولار 6 ەر ادام. بۇل تۋرالى Polisia.kz جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ينتەرنەت الاياقتار كوممۋنالدىق قىزمەت، قۇقىق قورعاۋ ورگاندارى، ۇلتتىق بانك، ەكىنشى دەڭگەيلى بانكتەر جانە "ازاماتتارعا ارنالعان ۇكىمەت" قىزمەتكەرلەرىنىڭ اتىن جامىلعان.
ونلاين الاياقتاردىڭ كەزەكتى قۇربانى 61 جاستاعى الماتى تۇرعىنى بولدى.
"الدىمەن ولار كوممۋنالدىق كاسىپورىنداردىڭ ءبىرىنىڭ اتىنان تەلەفون سوعىپ، ەسەپتەگىش قۇرالىن اۋىستىرامىز دەگەن سىلتاۋمەن ودان SMS-كود بەرۋىن سۇراعان. ءارى قاراي قىلمىستىق ارەكەت كاراپايىم ستسەناري بويىنشا وربىگەن: ەر ادامعا ونىڭ اتىنا كرەديت الۋعا ارەكەت جاسالعانى تۋرالى حابارلانىپ، بارلىق جيناق اقشاسىن "قاۋىپسىز شوتقا" اۋدارۋدى سۇراعان. سالدارىنان جابىرلەنۋشى قىلمىسكەرلەرگە 500 مىڭ تەڭگەدەن 11 رەت جىبەرگەن. جەدەل جانە ارنايى ءىس-شارالار بارىسىندا كۇدىكتىلەر انىقتالىپ، ۇستالدى", – دەدى اۋەزوۆ اۋدانى پوليتسيا باسقارماسى باستىعىنىڭ ورىنباسارى تولەۋ مارحامەدوۆ.
پوليتسيا مالىمەتىنشە، كەشە كەشكە ولار وزدەرى كەڭسە دەپ اتايتىن جەردە ۇستالدى. 19 بەن 29 جاس ارالىعىنداعى التى ەر ادام قاماۋعا الىندى.
ءتىنتۋ كەزىندە پوليتسەيلەر ۇيالى تەلەفونداردى، سيم-كارتالاردى، نوۋتبۋكتەردى، بانك كارتالارىن، اقشانى جانە بانكنوتتاردى ساناۋ قۇرىلعىسىن تاركىلەدى.
