قازاقستاندىق QazaqGaz جانە رەسەيلىك گازپروم كومپانيالارى قازاقستان اۋماعى ارقىلى تابيعي گاز ءترانزيتى بويىنشا كەلىسىمشارت جاساستى، دەپ حابارلايدى «ادىرنا» ءتىلشىسى.
پەتەربۋرگ حالىقارالىق ەكونوميكالىق فورۋمى شەڭبەرىندە «QazaqGaz» ۇك» اق باسقارما توراعاسى سانجار جاركەشوۆ پەن «گازپروم» جاق باسقارما توراعاسى الەكسەي ميللەر رەسەيلىك تابيعي گازدى قازاقستان اۋماعى ارقىلى وزبەكستان مەن قىرعىزستانعا تاسىمالداۋدى ۇيىمداستىرۋ تۋرالى شارتتارعا قول قويدى.
قول قويىلعان شارتتاردىڭ قولدانىلۋ مەرزىمى 2040 جىلدىڭ سوڭىنا دەيىن، 15 جىلدى قۇرايدى.
بۇل جوبالار قازاقستاننىڭ گاز تاسىمالداۋ جۇيەسىنىڭ ترانزيتتىك الەۋەتىن كەڭەيتۋگە، رەسپۋبليكانىڭ گاز سالاسى ءۇشىن ەكونوميكالىق پايدانى ۇلعايتۋعا، وڭىرلىك ەنەرگەتيكالىق قاۋىپسىزدىكتى نىعايتۋعا ۇلەس قوسادى.
كەلىسىمشارتقا قول قويۋ ششاراسى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى رومان سكلياردىڭ قاتىسۋىمەن ءوتتى.
ەسكە سالايىق، «ورتالىق ازيا – ورتالىق» گاز قۇبىرى ارقىلى وزبەكستانعا رەسەيلىك گازدى جەتكىزۋ 2023 جىلى 7 قازاندا باستالعانىن بولاتىن. سالتاناتتى راسىمگە ءۇش ەلدىڭ پرەزيدەنتى – قاسىم-جومارت توقاەۆ، ۆلاديمير پۋتين جانە شاۆكات ميرزيەەۆ قاتىستى.
