Qazaqstandyq QazaqGaz jäne reseilık Gazprom kompaniialary Qazaqstan aumaǧy arqyly tabiǧi gaz tranzitı boiynşa kelısımşart jasasty, dep habarlaidy «Adyrna» tılşısı.
Peterburg Halyqaralyq ekonomikalyq forumy şeŋberınde «QazaqGaz» ŪK» AQ basqarma töraǧasy Sanjar Jarkeşov pen «Gazprom» JAQ basqarma töraǧasy Aleksei Miller reseilık tabiǧi gazdy Qazaqstan aumaǧy arqyly Özbekstan men Qyrǧyzstanǧa tasymaldaudy ūiymdastyru turaly şarttarǧa qol qoidy.
Qol qoiylǧan şarttardyŋ qoldanylu merzımı 2040 jyldyŋ soŋyna deiın, 15 jyldy qūraidy.
Būl jobalar Qazaqstannyŋ gaz tasymaldau jüiesınıŋ tranzittık äleuetın keŋeituge, Respublikanyŋ gaz salasy üşın ekonomikalyq paidany ūlǧaituǧa, öŋırlık energetikalyq qauıpsızdıktı nyǧaituǧa üles qosady.
Kelısımşartqa qol qoiu şarasy Qazaqstan Respublikasy Premer-ministrınıŋ bırınşı orynbasary Roman Skliardyŋ qatysuymen öttı.
Eske salaiyq, «Ortalyq Aziia – Ortalyq» gaz qūbyry arqyly Özbekstanǧa reseilık gazdy jetkızu 2023 jyly 7 qazanda bastalǧanyn bolatyn. Saltanatty räsımge üş eldıŋ prezidentı – Qasym-Jomart Toqaev, Vladimir Putin jäne Şavkat Mirzieev qatysty.
