يراندا ءجۋرناليستى باس بوستاندىعىنان ايىردى، دەپ حابارلايدى "ادىرنا" ۇلتتىق پورتالى Hengaw ۇيىمىنا سىلتەپ.
سانانداج قالاسىنىڭ رەۆوليۋتسيالىق سوتى كۇرد ءجۋرناليسى ءارى ايەلدەر قۇقىعىن قورعاۋشى جينا مودارەس گوردجيدى 21 جىلعا باس بوستاندىعىنان ايىردى.
قۇقىق قورعاۋشىلاردىڭ ايتۋىنشا، سوت ۇكىمى 23 مامىردا جاريالانعان. مودارەس گوردجي بىرنەشە ايىپ بويىنشا كىنالى دەپ تانىلدى. وسىلايشا، ول «ۇكىمەتتى قۇلاتۋ ماقساتىندا زاڭسىز توپ قۇرعانى» ءۇشىن ون جىل، «دۇشپاندىق توپتارمەن جانە ۇكىمەتتەرمەن ىنتىماقتاستىعى» ءۇشىن ون جىل جانە «يران باسشىلىعىنا قارسى ۇگىت-ناسيحات جۇرگىزگەنى ءۇشىن» ءبىر جىل باس بوستاندىعىنان ايىرىلدى.
جۋرناليست جازاسىن حامادان تۇرمەسىندە وتەيتىنى بەلگىلى بولدى. ونىڭ ادۆوكاتتارى بۇل ۇكىمگە اپەللياتسيالىق شاعىم ءتۇسىرىپ، اپەللياتسيالىق كوميسسيانىڭ قاراۋىنا جىبەرىلدى.
