Иранда журналисті бас бостандығынан айырды, деп хабарлайды "Адырна" ұлттық порталы Hengaw ұйымына сілтеп.
Санандаж қаласының революциялық соты күрд журналисі әрі әйелдер құқығын қорғаушы Жина Модарес Горджиді 21 жылға бас бостандығынан айырды.
Құқық қорғаушылардың айтуынша, сот үкімі 23 мамырда жарияланған. Модарес Горджи бірнеше айып бойынша кінәлі деп танылды. Осылайша, ол «үкіметті құлату мақсатында заңсыз топ құрғаны» үшін он жыл, «дұшпандық топтармен және үкіметтермен ынтымақтастығы» үшін он жыл және «Иран басшылығына қарсы үгіт-насихат жүргізгені үшін» бір жыл бас бостандығынан айырылды.
Журналист жазасын Хамадан түрмесінде өтейтіні белгілі болды. Оның адвокаттары бұл үкімге апелляциялық шағым түсіріп, апелляциялық комиссияның қарауына жіберілді.
