"مەكسيكالىق رەتىندە مامىر جانە قىركۇيەك ايلارىندا ەلىمنىڭ نامىسىن قورعاۋ مەن ءۇشىن زور جاۋاپكەرشىلىك. الايدا بىرنەشە سالماق دارەجەسى بويىنشا الەم چەمپيونى رەتىندە باسەكەلەستىككە تولى "ادەمى" جەكپە-جەك وتكىزۋ دە مەنىڭ مىندەتىم. سوندىقتان Golden Boy مەن مەنىڭ كوماندام كەزدەسۋ كۇنىن شەگەرۋدى شەشتى. بۇل جانكۇيەرلەرگە دەگەن قۇرمەت. ءبىز ۇزدىك قارسىلاسپەن ۇزدىك جەكپە-جەك كورسەتكىمىز كەلەدى", - دەدى "كانەلو".
ەسكە سالا كەتسەك، ساۋل الۆارەس 14 قىركۇيەك كۇنى قازاقستاندىق بوكسشى گەننادي گولوۆكينمەن (39-1-1, 35 كو) ءۇشىنشى كەزدەسۋىن وتكىزۋى ءتيىس بولاتىن. ءبىرىنشى جەكپە-جەكتە ەكى بوكسشى دا تەڭ ءتۇستى. بۇل جانكۇيەرلەر نارازىلىعىن تۋدىرعان بولاتىن. ال ەكىنشى كەزدەسۋدە جەڭىس مەكسيكالىققا بەرىلدى.
ساۋل "كانەلو" الۆارەس گولوۆكينمەن جەكپە-جەكتەن باس تارتتى.
Golden Boy پروموۋتەرلىك كومپانياسىنىڭ پرەزيدەنتى ەريك گومەس الۆارەستىڭ كەلەسى كەزدەسۋى 2019 جىلدىڭ سوڭىنا دەيىن وتكىزىلەتىنىن ايتتى. الايدا قارسىلاسى ءالى بەلگىسىز.
"كانەلو" رينگكە وسى جىلدىڭ سوڭىندا قايتا ورالادى. ءبىز قازىر بۇل ماسەلەنى قاراستىرىپ جاتىرمىز", - دەدى گومەس ESPN-گە بەرگەن سۇقباتىندا.
بوكسشىنىڭ وكىلى جەكپە-جەكتى شەگەرۋگە "كانەلونىڭ" بۇرىنعى جاراقاتى سەبەپ بولدى دەگەن اقپاراتتى جوققا شىعاردى.
