Alvares: Golovkınmen shyqpaımyn

4057
Adyrna.kz Telegram
 Meksıkalyq boksshy Saýl Alvares komandasynyń qyrkúıektegi kezdesýden bas tartýyna qatysty oıyn bildirdi, dep habarlaıdy Sports.kz.
Golovkın men "Kanelonyń" úshinshi jekpe-jegi 14 qyrkúıek kúni ótýi tıis bolatyn

"Meksıkalyq retinde mamyr jáne qyrkúıek aılarynda elimniń namysyn qorǵaý men úshin zor jaýapkershilik. Alaıda birneshe salmaq dárejesi boıynsha álem chempıony retinde básekelestikke toly "ádemi" jekpe-jek ótkizý de meniń mindetim. Sondyqtan Golden Boy men meniń komandam kezdesý kúnin shegerýdi sheshti. Bul jankúıerlerge degen qurmet. Biz úzdik qarsylaspen úzdik jekpe-jek kórsetkimiz keledi", - dedi "Kanelo".

Eske sala ketsek, Saýl Alvares 14 qyrkúıek kúni qazaqstandyq boksshy Gennadıı Golovkınmen (39-1-1, 35 KO) úshinshi kezdesýin ótkizýi tıis bolatyn. Birinshi jekpe-jekte eki boksshy da teń tústi. Bul jankúıerler narazylyǵyn týdyrǵan bolatyn. Al ekinshi kezdesýde jeńis meksıkalyqqa berildi.

Saýl "Kanelo" Alvares Golovkınmen jekpe-jekten bas tartty.

Golden Boy promoýterlik kompanııasynyń prezıdenti Erık Gomes Alvarestiń kelesi kezdesýi 2019 jyldyń sońyna deıin ótkiziletinin aıtty. Alaıda qarsylasy áli belgisiz.

"Kanelo" rıngke osy jyldyń sońynda qaıta oralady. Biz qazir bul máseleni qarastyryp jatyrmyz", - dedi Gomes ESPN-ge bergen suqbatynda.

Boksshynyń ókili jekpe-jekti shegerýge "Kanelonyń" burynǵy jaraqaty sebep boldy degen aqparatty joqqa shyǵardy.

 

Pikirler