الماتىلىق «قايرات» فۋتبول كلۋبى برازيليالىق شابۋىلشى ەلدەر سانتانامەن قوشتاستى، دەپ حابارلايدى "ادىرنا" ۇلتتىق پورتالى.
كلۋبتىڭ ءباسپاسوز قىزمەتى حابارلاعانداي، 32 جاستاعى فۋتبولشى 2024 جىلى كومانداعا قوسىلعان. ول كلۋبپەن بىرگە ەكى مارتە قازاقستان چەمپيونى اتاندى.
2025 جىلى ەلدەر اقتوبەگە قارسى وتكەن سۋپەركۋبوك ماتچىندا ءساتتى پاس بەرىپ، ويىننىڭ ۇزدىگى رەتىندە تانىلعان.
كلۋب اكىمشىلىگى فۋتبولشىعا العىسىن ءبىلدىرىپ، الداعى مانسابىندا ساتتىلىك پەن جاڭا جەتىستىكتەر تىلەدى. ەلدەر سانتانا «قايرات» ساپىندا جالپى 31 ماتچقا قاتىسىپ، 5 گول سوعىپ، 3 ناتيجەلى پاس بەرگەن.
سپورتشى 2019 جىلدىڭ 1 شىلدەسىنەن 2021 جىلعا دەيىن پورتۋگاليالىق «سانجۋانەنسە» كلۋبىندا ويناعان. كەيىن 2021 جىلدىڭ 1 شىلدەسىنەن باستاپ، 12 قىركۇيەككە دەيىن پورتۋگاليالىق «جيل ۆيسەنتە» كلۋبىمەن كەلىسىم-شارتقا وتىرعان. سول جىلى «ۆيزەلا» كلۋبىنا قارسى ماتچتا پورتۋگاليا پريمەيرا-ليگاسىندا دەبيۋت جاسادى.
ال 2023 جىلى قازاقستاننىڭ «اقتوبە» كلۋبىنىڭ ويىنشىسى اتانسا، 2024 جىلى قازاقستاننىڭ «قايرات» كلۋبىنا قوسىلدى.
