قازاق فۋتبولىنىڭ ارداگەرى، تاجىريبەلى ويىنشى ءارى باپكەر مارات جالعاسۇلى ەسمۇراتوۆ 65 جاسىندا ومىردەن وزدى. قارالى حاباردى قازاقستان فۋتبول فەدەراتسياسى جەتكىزدى، دەپ حابارلايدى «ادىرنا» ءتىلشىسى.
«مارقۇمنىڭ وتباسى مەن تۋعان-تۋىستارىنا، جاقىندارىنا جانە بارشا فۋتبول قاۋىمداستىعىنا قايعىرا كوڭىل ايتامىز»،-دەلىنگەن حابارلامادا.
مارات جالعاسۇلى - وتاندىق فۋتبولدىڭ دامۋىنا ەلەۋلى ۇلەس قوسقان تۇلعا. قازاقستان ۇلتتىق قۇراماسىنىڭ ساپىندا جەتى مارتە الاڭعا شىققان. كاسىبي ەڭبەك جولىندا «مەليوراتور»، «ماشۋك»، «قايرات»، سكيف-«ورداباسى»، «اكتيۋبينەتس»، «مۇنايشى» كلۋبتارىندا ونەر كورسەتىپ، 2001 جىلى تۋعان كلۋبى «قايسار» ساپىندا فۋتبولشى مانسابىن اياقتاعان. ول قازاقستان پرەمەر-ليگاسىندا 265 ماتچ وتكىزىپ، 6 گول سوققان.
جاتتىقتىرۋشى رەتىندە «قايسار»، «اق بۇلاق»، بجمورسم №2, «بتا فۋتزال» مفك، «جەتىسۋ» جانە «التاي» كلۋبتارىندا جۇمىس ىستەگەن.
