الماتىداعى قويمادان ءورت شىقتى

2651
Adyrna.kz Telegram

تجد ءباسپاسوز قىزمەتىنىڭ فوتوسى الماتىداعى جەتىسۋ اۋدانىندا ورنالاسقان قويمادان ءورت شىقتى، - دەپ حابارلايدى Tengrinews.kz ءتىلشىسى. 

پورتال وقىرماندارىنىڭ مالىمەتىنشە، قازىرگى ۋاقىتتا "ساياحات" ماڭى تۇتىنگە باتىپ، ىس شىعىپ تۇر. وقيعا ورنىندا ءورت سوندىرۋشىلەر جۇمىس ىستەپ جاتىر.  "2019 جىلدىڭ 18 شىلدەسىندە ساعات 07:45-تە الماتى قالالىق تجد-ءدىڭ "101" پۋلتىنە جەتىسۋ اۋدانى، وماروۆ كوشەسى، 12ۆ/1 مەكەنجايىنداعى قويما ورتەنىپ جاتقانى تۋرالى حابار ءتۇستى.

https://www.instagram.com/p/B0CulGkn53k/

 

ءورت سوندىرۋشىلەر قازىر وقيعا ورنىندا. ءورتتى اۋىزدىقتاۋعا ءورت ءسوندىرۋ قىزمەتىنىڭ 15 تەحنيكاسى مەن جەكە قۇرامنىڭ 43 ادامى جۇمىلدىرىلدى", - دەپ حابارلادى قالالىق تجد ءباسپاسوز قىزمەتى.

تجد ءباسپاسوز قىزمەتىنىڭ اقپاراتى بويىنشا، ءورتتى سوندىرۋگە تىكۇشاق تا جۇمىلدىرىلعان.  "كازاۆياقۇتقارۋ" اق بورتىن اۋەگە كوتەردىك", - دەپ جازىلعان حابارلامادا.  قازىرگى ۋاقىتتا سۋاعار تىركەلگەن تىكۇشاق ءورت ۇستىنە سۋ شاشىپ جاتىر.  كەلتىرىلگەن مالىمەتتەر بويىنشا، قويمادا 200 توننا لاك جانە بوياۋ شىعارۋ بۇيىمدارى بار ەكەن  بۇعان دەيىن 18 شىلدەگە قاراعان ءتۇنى الماتىدا ءۇش جەكەمەنشىك ءۇي مەن شارۋا قۇرىلىسى ورتەنگەنى حابارلانعان ەدى. ءورت جەتىسۋ اۋدانىنداعى پوتانين كوشەسىندە بولعان.

"ادىرنا" ۇلتتىق پورتالى

پىكىرلەر