TJD baspasóz qyzmetiniń fotosy Almatydaǵy Jetisý aýdanynda ornalasqan qoımadan órt shyqty, - dep habarlaıdy Tengrinews.kz tilshisi.
Portal oqyrmandarynyń málimetinshe, qazirgi ýaqytta "Saıahat" mańy tútinge batyp, ys shyǵyp tur. Oqıǵa ornynda órt sóndirýshiler jumys istep jatyr. "2019 jyldyń 18 shildesinde saǵat 07:45-te Almaty qalalyq TJD-diń "101" pýltine Jetisý aýdany, Omarov kóshesi, 12v/1 mekenjaıyndaǵy qoıma órtenip jatqany týraly habar tústi.
https://www.instagram.com/p/B0CulGkn53k/
Órt sóndirýshiler qazir oqıǵa ornynda. Órtti aýyzdyqtaýǵa órt sóndirý qyzmetiniń 15 tehnıkasy men jeke quramnyń 43 adamy jumyldyryldy", - dep habarlady qalalyq TJD baspasóz qyzmeti.
TJD baspasóz qyzmetiniń aqparaty boıynsha, órtti sóndirýge tikushaq ta jumyldyrylǵan. "Kazavıaqutqarý" AQ bortyn áýege kóterdik", - dep jazylǵan habarlamada. Qazirgi ýaqytta sýaǵar tirkelgen tikushaq órt ústine sý shashyp jatyr. Keltirilgen málimetter boıynsha, qoımada 200 tonna lak jáne boıaý shyǵarý buıymdary bar eken Buǵan deıin 18 shildege qaraǵan túni Almatyda úsh jekemenshik úı men sharýa qurylysy órtengeni habarlanǵan edi. Órt Jetisý aýdanyndaǵy Potanın kóshesinde bolǵan.
"Adyrna" ulttyq portaly
