اتىراۋدا ماقات اۋدانى اكىمىنىڭ بۇرىنعى ايەلى وتاۋ قۇرعان 11 جىلدا كۇيەۋى ۇرىپ-سوعىپ، ماسقارالاعانىن ايتتى. سوزىنشە، بالالارىن دا كورمەگەلى ءبىر جىلدىڭ ءجۇزى بولعان. بۇل تۋرالى ايەل بەينەمالىمدەمە جاسادى، دەپ حابارلايدى “ادىرنا” ۇلتتىق پورتالى.
بەينەمالىمدەمەدە ايەل بۇرىنعى كۇيەۋىنىڭ اتىراۋ وبلىسىنداعى ماقات اۋدانىنىڭ اكىمى قىزمەتىن اتقاراتىنىن، بۇرىن سپورتشى بولعانىن، ءتىپتى وليمپيادا ويىندارىنا قاتىسقانىن ايتتى.
«رينات يبراگيموۆ جۇيەلى تۇردە بىرگە ءومىر سۇرگەن 11 جىل بويى بالالارىمىزدىڭ كوزىنشە مەنى ۇرىپ-سوعىپ، ازاپتادى. 2021 جىلى تاڭعى ساعات تورتتە رينات يبراگيموۆ ماس كۇيىندە بالالارىمنىڭ كوزىنشە مەنى ۇرىپ-سوعىپ، بەتىمدى سىندىردى. سودان كەيىن جەدەل جاردەم مەن پوليتسيانى شاقىرۋعا ءماجبۇر بولدىم. الايدا ول بالالارىمىز ءۇشىن كەشىرىپ، ارىزىمدى قايتارىپ الۋدى سۇرادى. سودان سوڭ كەشىرىم بەرۋگە ءماجبۇر بولدىم. مۇنداي وقيعا 2023 جىلى 31 مامىردا تاعى قايتالاندى. رينات يبراگيموۆ تاعى دا بالالارىمىزدىڭ كوزىنشە مەنى تەپكىلەپ، ۇردى. سول كەزدە مەنى مۇگەدەك قىلامىن دەدى»، – دەيدى ايەل.
اقمارال ۇمبەتقاليەۆانىڭ ايتۋىنشا، 2023 جىلى ۇرىپ-سوعۋدان كەيىن وعان كەۋدە ومىرتقاسىنىڭ سىنۋى دياگنوزى قويىلىپ، ءبىر اي بويى جۇرە الماي قالعان. سول كەزدە كۇيەۋى «بايلانىستارىن پايدالانىپ» بالالارىن الىپ كەتكەن. سودان بەرى بالالارىن مۇلدە كورسەتپەي قويعان.
«ءبىر جىلدان بەرى بالالارىمدى كورمەدىم. ولارمەن كەزدەسۋگە، كورۋگە، سويلەسۋگە جاساعان بارلىق ارەكەتتەرىمە ءبىر عانا جاۋاپ ەستيمىن: ولار مەنى كورگىسى دە، سويلەسكىسى دە كەلمەيدى. بۇل كۇيەۋىمنىڭ ايعاقتارىمدى كەرى قايتارتۋعا جاساعان ارەكەتى دەپ ەسەپتەيمىن»، – دەيدى اقمارال.
ول ءوزىنىڭ ارىزىمەن اۋدان اكىمىنىڭ ۇستىنەن قىلمىستىق كودەكستىڭ 107-بابى 2-بولىگى بويىنشا قىلمىستىق ءىس قوزعالىپ جاتقانىن حابارلادى. الايدا ونى ەشكىم ۇستاپ، قىزمەتىنەن بوساتپاعان.
«بالالارىمدى الىپ كەتۋ ءۇشىن مەملەكەتتەن كومەك سۇرايمىن. بۇل ىسپەن كۇرەسۋدەن، پسيحيكالىق جانە ەموتسيالىق تۇردە شارشادىم. ەندى كىمگە جۇگىنەرىمدى بىلمەيمىن، كومەكتەسىڭىزدەرشى»، – دەدى ول قازاق حالقىنا.
اتىراۋ وبلىسى پوليتسيا دەپارتامەنتىنىڭ حابارلاۋىنشا، بىرنەشە ساراپتاما جۇرگىزىلدى. بىراق كۇدىكتى تاراپ بۇل ساراپتامالاردىڭ شەشىمىمەن كەلىسپەدى.
“ناتيجەسىندە 1-باپ بويىنشا قىلمىستىق ءىس قوزعالدى. ول قىلمىستىق كودەكستىڭ 107-بابى 2-بولىگى «دەنساۋلىققا قاساقانا اۋىرلىعى ورتاشا زيان كەلتىرۋ» بويىنشا سوتقا 2024 جىلى اقپاندا جىبەرىلگەن”، – دەلىنگەن حابارلامادا.
ال اتىراۋ وبلىستىڭ سوتى اتالعان قىلمىستىق ءىس اتىراۋ قالاسىنىڭ №2 سوتىندا قارالىپ جاتقانىن، كەلەسى سوت وتىرىسى 29 مامىر ساعات 10.00-دە بولاتىنىن حابارلادى.
