Atyraýda Maqat aýdany ákiminiń burynǵy áıeli otaý qurǵan 11 jylda kúıeýi uryp-soǵyp, masqaralaǵanyn aıtty. Sózinshe, balalaryn da kórmegeli bir jyldyń júzi bolǵan. Bul týraly áıel beınemálimdeme jasady, dep habarlaıdy “Adyrna” ulttyq portaly.
Beınemálimdemede áıel burynǵy kúıeýiniń Atyraý oblysyndaǵy Maqat aýdanynyń ákimi qyzmetin atqaratynyn, buryn sportshy bolǵanyn, tipti Olımpıada oıyndaryna qatysqanyn aıtty.
«Rınat Ibragımov júıeli túrde birge ómir súrgen 11 jyl boıy balalarymyzdyń kózinshe meni uryp-soǵyp, azaptady. 2021 jyly tańǵy saǵat tórtte Rınat Ibragımov mas kúıinde balalarymnyń kózinshe meni uryp-soǵyp, betimdi syndyrdy. Sodan keıin jedel járdem men polıııany shaqyrýǵa májbúr boldym. Alaıda ol balalarymyz úshin keshirip, aryzymdy qaıtaryp alýdy surady. Sodan soń keshirim berýge májbúr boldym. Mundaı oqıǵa 2023 jyly 31 mamyrda taǵy qaıtalandy. Rınat Ibragımov taǵy da balalarymyzdyń kózinshe meni tepkilep, urdy. Sol kezde meni múgedek qylamyn dedi», – deıdi áıel.
Aqmaral Úmbetqalıevanyń aıtýynsha, 2023 jyly uryp-soǵýdan keıin oǵan keýde omyrtqasynyń synýy dıagnozy qoıylyp, bir aı boıy júre almaı qalǵan. Sol kezde kúıeýi «baılanystaryn paıdalanyp» balalaryn alyp ketken. Sodan beri balalaryn múlde kórsetpeı qoıǵan.
«Bir jyldan beri balalarymdy kórmedim. Olarmen kezdesýge, kórýge, sóılesýge jasaǵan barlyq áreketterime bir ǵana jaýap estımin: olar meni kórgisi de, sóıleskisi de kelmeıdi. Bul kúıeýimniń aıǵaqtarymdy keri qaıtartýǵa jasaǵan áreketi dep esepteımin», – deıdi Aqmaral.
Ol óziniń aryzymen aýdan ákiminiń ústinen qylmystyq kodekstiń 107-baby 2-bóligi boıynsha qylmystyq is qozǵalyp jatqanyn habarlady. Alaıda ony eshkim ustap, qyzmetinen bosatpaǵan.
«Balalarymdy alyp ketý úshin memleketten kómek suraımyn. Bul ispen kúresýden, psıhıkalyq jáne emoııalyq túrde sharshadym. Endi kimge júginerimdi bilmeımin, kómektesińizdershi», – dedi ol qazaq halqyna.
Atyraý oblysy polıııa departamentiniń habarlaýynsha, birneshe saraptama júrgizildi. Biraq kúdikti tarap bul saraptamalardyń sheshimimen kelispedi.
“Nátıjesinde 1-bap boıynsha qylmystyq is qozǵaldy. Ol qylmystyq kodekstiń 107-baby 2-bóligi «Densaýlyqqa qasaqana aýyrlyǵy ortasha zııan keltirý» boıynsha sotqa 2024 jyly aqpanda jiberilgen”, – delingen habarlamada.
Al Atyraý oblystyń soty atalǵan qylmystyq is Atyraý qalasynyń №2 sotynda qaralyp jatqanyn, kelesi sot otyrysy 29 mamyr saǵat 10.00-de bolatynyn habarlady.
