Atyrauda Maqat audany äkımınıŋ būrynǧy äielı otau qūrǧan 11 jylda küieuı ūryp-soǧyp, masqaralaǧanyn aitty. Sözınşe, balalaryn da körmegelı bır jyldyŋ jüzı bolǧan. Būl turaly äiel beinemälımdeme jasady, dep habarlaidy “Adyrna” ūlttyq portaly.
Beinemälımdemede äiel būrynǧy küieuınıŋ Atyrau oblysyndaǧy Maqat audanynyŋ äkımı qyzmetın atqaratynyn, būryn sportşy bolǧanyn, tıptı Olimpiada oiyndaryna qatysqanyn aitty.
«Rinat İbragimov jüielı türde bırge ömır sürgen 11 jyl boiy balalarymyzdyŋ közınşe menı ūryp-soǧyp, azaptady. 2021 jyly taŋǧy saǧat törtte Rinat İbragimov mas küiınde balalarymnyŋ közınşe menı ūryp-soǧyp, betımdı syndyrdy. Sodan keiın jedel järdem men polisiiany şaqyruǧa mäjbür boldym. Alaida ol balalarymyz üşın keşırıp, aryzymdy qaitaryp aludy sūrady. Sodan soŋ keşırım beruge mäjbür boldym. Mūndai oqiǧa 2023 jyly 31 mamyrda taǧy qaitalandy. Rinat İbragimov taǧy da balalarymyzdyŋ közınşe menı tepkılep, ūrdy. Sol kezde menı mügedek qylamyn dedı», – deidı äiel.
Aqmaral Ümbetqalievanyŋ aituynşa, 2023 jyly ūryp-soǧudan keiın oǧan keude omyrtqasynyŋ synuy diagnozy qoiylyp, bır ai boiy jüre almai qalǧan. Sol kezde küieuı «bailanystaryn paidalanyp» balalaryn alyp ketken. Sodan berı balalaryn mülde körsetpei qoiǧan.
«Bır jyldan berı balalarymdy körmedım. Olarmen kezdesuge, köruge, söilesuge jasaǧan barlyq äreketterıme bır ǧana jauap estimın: olar menı körgısı de, söileskısı de kelmeidı. Būl küieuımnıŋ aiǧaqtarymdy kerı qaitartuǧa jasaǧan äreketı dep esepteimın», – deidı Aqmaral.
Ol özınıŋ aryzymen audan äkımınıŋ üstınen qylmystyq kodekstıŋ 107-baby 2-bölıgı boiynşa qylmystyq ıs qozǧalyp jatqanyn habarlady. Alaida ony eşkım ūstap, qyzmetınen bosatpaǧan.
«Balalarymdy alyp ketu üşın memleketten kömek sūraimyn. Būl ıspen küresuden, psihikalyq jäne emosiialyq türde şarşadym. Endı kımge jügınerımdı bılmeimın, kömektesıŋızderşı», – dedı ol qazaq halqyna.
Atyrau oblysy polisiia departamentınıŋ habarlauynşa, bırneşe saraptama jürgızıldı. Bıraq küdıktı tarap būl saraptamalardyŋ şeşımımen kelıspedı.
“Nätijesınde 1-bap boiynşa qylmystyq ıs qozǧaldy. Ol qylmystyq kodekstıŋ 107-baby 2-bölıgı «Densaulyqqa qasaqana auyrlyǧy ortaşa ziian keltıru» boiynşa sotqa 2024 jyly aqpanda jıberılgen”, – delıngen habarlamada.
Al Atyrau oblystyŋ soty atalǧan qylmystyq ıs Atyrau qalasynyŋ №2 sotynda qaralyp jatqanyn, kelesı sot otyrysy 29 mamyr saǧat 10.00-de bolatynyn habarlady.
